Because of you

Wäge dir

Mir si irgendwie
anenanger cho
düre Zuefall eifachso

Dä Momänt wo
mer is nächer si cho
viu z churz - paar wort u so

bi du gange – wius zyt isch gsy
dr Zedu ir Hang druf codes vo Dir
hätt nie gloubt was aus dadru passiert

äs isch wäge dir – nume wäge dir
das mers guet geit– u i bi
mega verliebt wie scho ewig lang nie meh

egau ob Tag u Nacht – gschpüre geng ä Chraft
äs ischwahnsinn – u mi machts
so starch u schön u ganz - wäge Dir
aus wäge Dir

grossi Meitli
chöi guet elleini sy
s geit eim superguet drby
bis zum Ougeblick
wos eim schutzlos trifft-
dr Panzer voll dürbricht

uf ei schlag isch richtig - u aues stimmt
viu isch nümm wichtig – d Liebi gwinnt
hätt nie täicht das üs das so passiert

äs isch wäge dir – nume wäge dir
das mers guet geit– u i bi
mega verliebt wie scho ewig lang nie meh
egau ob Tag u Nacht – gschpüre geng ä Chraft
äs isch wahnsinn – u mi machts
so starch u schön u ganz - wäge Dir
aus wäge Dir
äs zeut nüt meh aus d liebi du weisch oh oh
äm änd bliibt nume ds Gfüel wo di treit
gib so viel wie du chasch – s git nie gnue drvo