Ahmed Al-Radaan - Kellaha Sa3a Wi Benshoofek 3aroos (كلها ساعة وبنشوفك عروس)

Αραβικά

Kellaha Sa3a Wi Benshoofek 3aroos (كلها ساعة وبنشوفك عروس)

دمعي اللي في سجن عيني أسير
في صباح اليوم .. كم هلّ ونزل
 
يا وجودي .. وجْد رجالٍ يتيم
لا حبيب ، ولا رفيق ، ولا أهل
 
كلّها ساعة ، وبنشوفك عروس
ويندفن حلم المحبة .. في حفل
 
ليت هالواقع بمجراه اختلاف !
"وكنت لك في قصتك "دور البطل
 
ألف صرخة داخلي من غير صوت
وخارجي فرحٍ على وجهي ذبل
 
كيف أبضحك ، وأنزع الوجه الحزين
والمسافة بيننا .. جرح وطفل !
 
عن عروسٍ في فرحها .. باكية
ودمعها يتساقط .. أحلام ، وكحل
 
لا اسألوا عن سر بكاها الحاضرين
"عين أهلها جاوبت "خوف ، وخجل
 
جسمها عايش مع اللي ما تبيه
وقلبها في حب غيره منشغل
 
اذكريني .. لا قسى قلبه عليك
"واذكريني مع .. "عبارات الغزل
 
واذكري كلما تجمعتوا سوا
ينطعن من خنجر الوحدة رجل
 
من هنا لآخر مشاوير الحياة
أعشقك بجنون .. ما أعشقك بعقل
 
اخذي عيوني من عيوني وشوفي
كيف قلبي لا لمح وجهك .. ثمل !
 
الألم ؟ من هو لي بحلمي نصيب
واقع لغيري .. وأنا لي .. الألم !
 
من تقاليد الأهل .. تنزف قلوب
شيب عيني من تقاليد الأهل
 
كم تمنيتك لي بعمري .. عروس
والوجع ؟ حلمي لجل غيري حصل !
 
كل ما مات الأمل .. أطلب عظيم
لو يقول لْشيّ كون .. أحيا الأمل
 
داخلي شيٍ يقول انه بنعود
عقب جرح البعد .. يلتم الشمل
 
فاطمئن أنا مثل .. موتك عليك
يدركك، مهما يطول بك الأزل
 
رجل ترك حبيبة أحلامه لغيره
ما يستحق انه يسمونه .. رجل !
 
Υποβλήθηκε από Sara Ba στις Σάβ, 13/01/2018 - 21:01
Σχόλια συντάκτη:

A poem he wrote dedicated to his girl who got married to another man.

Ευχαριστώ!

 

Σχόλια