✕
Original lyrics
Frô Werlt, ir sult dem wirte sagen
1.
Frô Werlt, ir sult dem wirte sagen,
daz ich im gar vergolten habe,
mîn grœste gülte ist abe geslagen,
daz er mich von dem briefe schabe.
Swer im eht sol, der mag wol sorgen:
ê ich im lange schuldig wære,
ich wolt ê zeinem juden borgen.
er swîget unz an einen tag,
sô wil er danne ein wette hân,
sô jener niht vergelten mag.
2.
"Walther, dû zürnest âne nôt,
dû solt bî mir belîben hie.
gedenke, waz ich dir êren bôt,
waz ich dir dînes willen lie,
als dicke dû mich sêre bæte.
mir was vil inneclîche leit,
daz dûz ie sô selten tæte.
bedenke dich, dîn leben ist guot.
sô dû mir rehte widersagest,
sôn wirst dû niemer wol gemuot."
3.
Frô Werlt, ich hân ze vil gesogen,
ich wil entwonen, des ist zît.
dîn zart hât mich vil nâch betrogen,
wand er vil süezer fröiden gît.
dô ich dich gesach reht under ougen,
dô was dîn schœne an ze schouwen
wunderlîch al sunder lougen.
doch was der schanden al ze vil,
dô ich dîn hinden wart gewar,
daz ich dich iemer schelten wil..
4.
"Sît ich dich niht erwenden mag,
sô tuo doch ein ding, des ich ger:
gedenke an mangen liehten tag
und sich doch underwîlent her,
niuwan sô dich der zît betrâge."
daz tæte ich wunderlîchen gerne,
wan daz ich fürhte dîne lâge,
vor der sich nieman kan bewarn.
got gebe iuch, frouwe, guote naht,
ich wil ze herberge varn.
Submitted by 
SaintMark on 2016-10-14
SaintMark on 2016-10-14Translation
Frau Welt, Ihr sollt dem Wirte sagen
1.
Frau Welt, Ihr sollt dem Wirte sagen, dass ich ihm
alles abgegolten habe, meine übergroße Schuld ist
abgetragen, so dass er mich aus dem Schuldbrief
schaben kann. Wer immer ihm etwas schuldet,
der hat wohl Grund besorgt zu sein:
Eh ich ihm lange verschuldet wäre,
wollte ich eher bei einem Juden borgen.
Er schweigt bis zu dem gewissen einen Tag,
dann will er ein Pfand haben,
wenn jener nicht bezahlen kann.
2.
"Walther, Du zürnst ohne Grund,
Du sollst hier bei mir bleiben.
Denke daran, was ich Dir an Ehren geboten habe,
wie ich Dir nach deinem Wunsch gestattete,
sooft Du mich sehr darum gebeten hast.
Mir war es gar herzlich leid,
dass Du es stets so selten getan hast.
Bedenke, Dein Leben ist gut.
Falls Du mir wirklich abschwörst,
so wirst Du nie mehr wohlgemut sein."
3.
Frau Welt, ich habe zu viel genossen,
ich will mich entwöhnen, dafür ist es Zeit.
Deine Zärtlichkeit hat mich beinahe verblendet,
da sie viel süße Freuden gibt.
Als ich Dir grade in die Augen blickte,
da war Deine Schönheit wunderbar
anzusehen – ganz ohne Zweifel.
Doch war es gar zu viel des Schändlichen,
als ich Deiner Rückseite gewahr wurde,
so dass ich Dich immer schmähen werde.
4.
"Da ich dich nicht umstimmen kann,
so tue doch eines, um das ich bitte:
denke an manch einen heiteren Tag
und schaue doch bisweilen vorbei,
nur, wenn Dir die Zeit lang wird."
Das würde ich wirklich überaus gerne tun,
wenn ich nicht Deinen Hinterhalt fürchtete,
vor dem sich niemand bewahren kann.
Gott gebe Euch, Herrin, eine gute Nacht,
ich will mich zur Herberge aufmachen.
✕
Walther von der Vogelweide: Top 3
| 1. | Palästinalied |
| 2. | Ich saz uf eime steine (Reichsklage) |
| 3. | Unter den Linden (Die verschwiegene Nachtigall) |
Comments
Russia is waging a disgraceful war on Ukraine. Stand With Ukraine!
About translator
His brother's name was Jubal; he was the father of all
who play stringed instruments and pipes. (Genesis 4:21)