Russia is waging a disgraceful war on Ukraine.     Stand With Ukraine!
  • Italian Folk

    Mí lú e lée

    Also performed by: Nanni Svampa
Share
Font size
Original lyrics

Mí lú e lée lyrics

Hoo incontràa ona certa tizia
in d’on trani in via Verzée
Quand l’è stàa l’ora propizia
la m’invida in lètt con lée
Ma in del bell che cicciaràvom
tutt e dúu come nient fuss
sentom vun ma che ’l vosava,
che ’l picava fort a l’uss.
 
Salta fœra de volada:
‟oh Signur l’è el mè marí…
chissà adèss che ressumada
cossa foo?… povera mí!”
 
Mí tutt stremí cont el frecc che faseva
mezz in camisa coi dent che batteva
sont scappàa sott al lètt addirittura
ohèj che paura! ohèj che paura!
 
La ghe derva e lú el vègn denter
la furbona la fa lée:
‟a gh’hoo on gran dolór de venter,
va tœu quajcoss in del speziée”.
‟L’è nagòtt, l’è ’na cialada,
te gh’avarée on poo de calór:
te faroo ona limonada
passaran tutti i dolór”.
 
L’hoo sentúu cavà i braghin
pœu andà in lètt insèmma a lée
e mí lí, porco sciampín
a tremà de capp a pè!
 
E pœu ho sentúu ma tutt quel che diséven
pœu hoo sentúu anca tutt quell che faséven
intant che lór in del lètt se rusàven
i mè pée gelaven, i mè pée gelàven.
 
Hoo sentúu che lú el cercava
l’orinari lí per lí
hoo sentú che lú el rugava
propi indove che s’eri mí
Tutt a on tratt el pè el me ciappa
el tira fort fœura del lètt
mí del spavent tuttcoss me scappa
e resti biott cont i calzètt
 
Lú el vosava e mí a pregà
l’era on quader del Turchín
del baccan s’inn dessedàa
el portinar cont i inquilin
 
Inn cors de sora tutt quant de premura
omm, donn e fiœu in camisa addirittura
e m’han pestàa come ona cotelètta
ohej che disdètta, ohej che disdètta!
 
Del prossimo tuo rispetta la donna
inscí la diseva la mia povera nonna
e mí crapón che l’hoo minga ascoltada
se l’hoo ciappada la pettenada!
 
  • 1. Parodia popolare in milanese di Come pioveva di Armando Gill, del 1919.
    La parodia è riportata anche nel libro di Nanni Svampa La mia morosa cara (pp. 212 e segg.).
    È la parodia in dialetto milanese della nota canzone di Armando Gill Come pioveva del 1919 che furoreggiò negli anni Venti. Può darsi che la nascita della parodia risalga a quell’epoca, a meno che ‟il quader del Turchín” non si riferisca all’eccidio avvenuto durante l’ultima guerra al valico del Turchino. Comunque la canzone è cantata tuttora nelle osterie milanesi e, pur essendo recente, è scritta in un dialetto abbastanza tradizionale con termini molto gustosi.

 

Translations of "Mí lú e lée"
Comments