La vocazion lyrics

Lombard

La vocazion

Disen che al dì d'incoeu l'è on fatto sconvolgent
de minga avè la fed, de professà on bel nient.
Me piasaria anca a mì vess come el mè barbee:
felice come un papa e pirla come un re.
 
Vun che sta suu al quint pian, un certo Blaise Pascal,
on dì el m'ha daa on consili che l'è minga mal:
"Fa come disi mì, mettes in genogion,
fa finta de pregà e te vègn la vocazion."
 
Donca te seet 's'hoo faa, anca per bituàmm?
Hoo cominciaa a girà cont el rosari in man.
In tram, sul lavorà, al bar, in gir e a caa,
coi mè giaculatòri semper a pregà.
 
Quand che me son sentii on poo pussee sicur
me son vestii de fraa e sont andaa foeura al scur.
La cerega in sul coo, vestii de Francescan,
hoo cominciaa a girà con la ghitarra in man.
 
Foo nanca quater pass che arrivi al prim canton;
me fermen des donnett doppo benedizion:
"Oh padre, per piasè, canti ona quaj canzon,
di quelle che il buon Dio v'ha daa l'ispirazion!"
 
Allora in sul moment savevi nò 'se dì:
prima g'hoo faa "El gorilla" e poeu "Pelanda tì".
I avessi mai cantaa! Han cominciaa a piccàmm
e poeu a vosà "vigliacc! adess te tajom i ball!"
 
S'eri giamò bloccaa, scappà nanca a parlànn.
Pensavi ai mè moroos, adess come faran?
In mezz ai cereghett, con la vos de castraa,
in mezz ai procession me toccarà cantà.
 
Ormai mancava pocc, ma per fatalità
'riva de corsa ona dama di carità.
Uéi, sii diventaa matt? Hinn nò mestee de fà!
Gh'è giamò tanti cuu, quej bon lassemej stà!
 
Inscì m'han lassaa andà, per via de stoo argument;
anzi, gh'è staa on applauso e l'è finida in nient.
Per andà in paradis moeuvi puu nanca on pè!
Se dev 'rivà la fed, la vègna de per lee.
 
Hoo mai mazzaa nissun, hoo nanca violentaa,
e l'è giamò duu ann che voo in gir puu a grattà.
E se el signor el gh'è, ch'el varda giò inscì el ved
che mì saria compagn anca con la soa fed.
 
Submitted by LjL on Fri, 21/04/2017 - 14:47
Submitter's comments:

This song is a Milanese version of Le mécréant by Georges Brassens.

 

Translations of "La vocazion"
Comments