Russia is waging a disgraceful war on Ukraine.     Stand With Ukraine!
  • Sheikh Emam

    بوتيكات

Share
Font size
Original lyrics

بوتيكات lyrics

بوتيكات النات كوا النات
وشقق مفروشه وعمولات
يا حلاوه الناوة كوا الناوة
يا بلدنا يا اخر فتاكات
بوتيكات النات كوا النات
***
شبيبيك لبيك فتح مخك
لبييك شبيك غمض عينك
حتقفّل مخك حنطخك
ونلوشك لو تفتح عينك
ركب قرنين تركب مازدا
وتعيش سلطان فى البراوز دا
مش عاجبك فالجبنه الفاسدة
والعيش والفول والكرّات
يا حلاوه الناوه كوا الناوه
يا بلدنا يا اخر فتاكات
بوتيكات النات كوا النات
***
مين فيكوا ما يعرفش عليوه
شيال المينا الكحيان
فى ثواني اتمول واتحول
بقي مسيو عليوة عليان
ازاى؟ ما هى بوظه ومفتوحه
على حس ولاد المفضوحه
وارانب صاحيه ومدبوحه
تتأستك تبع البنوكات
يا حلاوة الناوة كوا الناوة
يا بلدنا يا اخر فتكات
بوتيكات النات كوا النات
***
حتقولي الفقرا ومشاكلهم
دى مسائل عايزة التفانين
وانا رأيي نحلها رباني
ونموت كل الجعانين
وبهذا ما حدش حيجوع
لو نعلن هذا المشروع
و ح نقفل هذا الموضوع
نهائيا ونعيش فى تبات
يا حلاوة الناوه كوا الناوة
يا بلدنا يا اخر فتكات
بوتيكات النات كوا النات
 

 

Comments