Letra original
1 traducción
Letra de Retrowange novelle
Retrowange novelle
Dirai et bone et belle
De la virge pucelle,
Ke meire est et ancelle
Celui ki de sa chair belle
Nos ait raicheteit.
Et ki trestous nos apelle
A sa grant clairteit.
Ce nos dist Isaïe
En une profesie:
D'une verge delgie,
De Jessé espanie,
Istroit flors per sibnorie
De tres grant biauteit.
Or est bien la profesie
Torneie a verteit.
Celle verge delgie
Est la Virge Marie
La flor nos senefie
De ceu ne douteis mie,
Jhesu Crist, ki la haichie
En la croix sousfri;
Fut por rendre ceaus en vie
Ki ierent peri.