Oroszország gyalázatos háborút folytat Ukrajna ellen.     Állj ki Ukrajnával!
Hogyan támogathatod Ukrajnát 🇺🇦 ❤️
LT → Latin, German (Middle High German), Angol → Carl Orff → (CB 14) In taberna quando sumus
  • Carl Orff

    Carl Orff

    (CB 14) In taberna quando sumus • Carmina Burana

    Ezt is előadta: Schelmish
  • 8 fordítások
    Angol #1
    +7 more
    , #2, Görög, Horvát, Interslavic, Japán, Kínai, Román
✕
Ossza meg
Betűméret
Eredeti dalszöveg

(CB 14) In taberna quando sumus szöveg

In taberna quando sumus,
non curamus quid sit humus,
sed ad ludum properamus,
cui semper insudamus.
quid agatur in taberna
ubi nummus est pincerna,
hoc est opus ut quaeratur;
si quid loquar, audiatur.
 
Quidam ludunt,
quidam bibunt,
quidam indiscrete vivunt.
sed in ludo qui morantur,
ex his quidam denudantur,
quidam ibi vestiuntur,
quidam saccis induuntur;
ibi nullus timet mortem,
sed pro Baccho mittunt sortem.
 
Primo pro nummata vini;
ex hac bibunt libertini;
semel bibunt pro captivis,
post haec bibunt ter pro vivis,
quater pro Christianis cunctis,
quinquies pro fidelibus defunctis,
sexies pro sororibus vanis,
septies pro militibus silvanis.
octies pro fratribus perversis,
nonies pro monachis dispersis,
decies pro navigantibus,
undecies pro discordantibus,
duodecies pro paenitentibus,
tredecies pro iter agentibus.
 
Tam pro papa quam pro rege
bibunt omnes sine lege.
Bibit hera, bibit herus,
bibit miles, bibit clerus,
bibit ille, bibit illa,
bibit servus cum ancilla,
bibit velox, bibit piger,
bibit albus, bibit niger,
bibit constans, bibit vagus,
bibit rudis, bibit magus,
Bibit pauper et aegrotus,
bibit exul et ignotus,
bibit puer, bibit canus,
bibit praesul et decanus,
bibit soror, bibit frater,
bibit anus, bibit mater,
bibit ista, bibit ille,
bibunt centum, bibunt mille.
 
Parum sescentae nummatae
durant cum immoderate
bibunt omnes sine meta,
quamvis bibant mente laeta;
sic nos rodunt omnes gentes,
et sic erimus egentes.
qui nos rodunt confundantur
et cum iustis non scribantur.
 

 

"(CB 14) In taberna ..." fordításai
Angol #1, #2
Görög
Horvát
Interslavic
Japán
Kínai
Román
Carl Orff: Top 3
1.'(CB 1) (CB25) O Fortuna
2.(CB 22) Tempus est iocundum
3.(CB 14) In taberna quando sumus
Hozzászólások
↑↓