Te rugăm să traduci „Fjöll í austri fagurblá” din Islandeză în Română

Islandeză

Fjöll í austri fagurblá

Fjöll í austri fagurblá
freista dalabarnsins.
Ungur fylgir æskuþrá
upp til jökulhjarnsins.

Sveimað heimahögum frá
hef ég vors á degi,
víða stíða þræddi þá
þunga hraunavegi.

Heiðin breiða hugumkær
hvetur viljann ofar.
Leiðin seiðir, fráum fær,
fögrum sýnum lofar.

Gangan sækist öruggt enn
urðarróti móti.
Einatt hlutu heiðamenn
höggvinn fót á grjóti.

Hver, sem ofar á að ná,
einskis metið getur
þótt í fangið fái sá
fjúk og hretið betur.

Anda heitum yndi nóg
unaðsreitir geyma.
Seinna leitar þráin þó
þinna sveita heima.


See video
Mai multe traduceri ale cântecului „Fjöll í austri fagurblá”
Te rugăm să ajuți la traducerea cântecului „Fjöll í austri fagurblá”
Comentarii