Россия ведет позорную войну с Украиной.     Поддержи Украину!
Делиться
Размер шрифта
Оригинальный текст

текст песни تقع وتقوم‬

وتقع وتقوم و تقوم و تقع
في الفرح دموع ودموع يا وجع
مين قال مقسوم؟ كداب يا وجع
ده انت اللي في ايدك طرف الخيط
في الزحمة وشوش جاية و بتروح
خايف على قلبي يبات مجروح
 
ضحكة من الحلوة ترد الروح
تفتح شبابيك و بيبان البيت
 
انا صابني الحزن, ماقولتش ليه
وعاندني الحزن, قدرت عليه
ويا بحر حلفت اني اعديه
ويفوت العمر لو استنيت
 
دقيت على الصبر فتحلي الباب
وحكالي هموم كل الاحباب
ويا فرحة اترسمت بعد غياب
وقالتلي اتفضل لما ناديت
الحلم براح والكون مشاوير
والغنوة جناح ياخدك ويطير
ده العشق ملوش اصل وتفسير
ويبان في عيونك مهما داريت
 
انا صابني الحزن, مقولتش ليه
وعاندني الحزن, قدرت عليه
ويا بحر حلفت اني اعديه
ويفوت العمر لو استنيت
 
الناس فوازير وسطور حكايات
وساعات براويز وساعات متاهات
ودموع بتدوب وسط ابتسامات
تضحك دمعاتك لو حنيت
مكتوب للغايب يوم هيعود
مكتوب للغصن يضم ورود
من حضن الليل فجرك مولود
وتبات ونبات زي الحواديت
 
انا صابني الحزن, ماقولتش ليه
وعاندني الحزن, قدرت عليه
ويابحر حلفت اني اعديه
ويفوت العمر لو استنيت
 

 

Комментарии