Russia is waging a disgraceful war on Ukraine.     Станите уз Украјину!
  • Wolfgang de Benki

    Do druff bin ich e bissje stolz

Објави
Величина фонта
Оригинал

Do druff bin ich e bissje stolz текст

Isch kenn Hamburch unn Berlin
Unn von Deitschland hann ich vill gesiehn
Gebor bin ich hier an da Saar
Die mol deitsch unn mol franzeesisch war
Unn so bin isch aus annerm Holz
 
Unn doo druff doo druff
Bin isch e bisje stolz.
 
Ei joo mei Vadder war e Berschmann
Dehääm bei uus do hamma
Geiss‘ gehann Se hann misch uff die Schul geschickt
Unn mei Pullover ware selbschdgestriggd
Denn mei gudd Mudder joo die wollt’s
 
Unn doo druff doo druff
Do war se rischdisch stolz.
 
Unn `56 beim JoHo
Die Saar wird widder deitsch Was war mei Vadder froh
Er hat gesaad isch bin kää Saarfranzoos
Doomools war bei uns de wahre Deiwel loos
 
Er war so stur wie e Steer Holz
Unn doo druff doo druff
Doo isser heit noch stolz.
 
Mei ältschder Bruder iss de Pit
Er war faschd zwölf Joor uff da Eisehitt
Jetzt hann se’m sei Pabiere genn
Er hat geheilt e ganzi Naachd dahemm
Er hat de Stahl umsunschd geschmolz‘
 
Doch doo druff doo druff
Doo isser nimmeh stolz.
 
Doch mei klään Schweschder Die hat’s gepackd
Sie hat e Bar am Sankt Johanner Markt
Sie hat die Buud gerammeld voll bis vier
Unn selbschd die Bolizei trinkd heimlisch dord ihr Bier
 
Denn vor der Dier doo hatse Holz
Unn doo druff doo druff
Unn doo druff isse stolz.
 
Dehemm bin isch es schwarze Schaaf
Em Glick bin isch nur hinnerher gelaaf
Doch wenn isch dann mei Liedsche sing
Unn dann die Leid so bisje glicklisch sinn
Doo hann isch Riesefreid, was soll’s
 
Unn doo druff doo druff
Bin isch e bisje stolz.
 
Mir sinn an da Saar geboor
Darum hann mir die Mut aach nie verloor
Aach wenn die annre driwwer lache
Die kenne’s ganz beschdimmd nidd besser mache
Denn die sinn nidd aus uuserm Holz
 
Unn doo druff doo druff
Sinn mir e bisje stolz.
 
Mir sinn halt aus annerm Holz
Unn doo druff doo druff
Sinn mir e bisje, e ganz klään bisje
Sinn mir e kläänes bisje stolz.
 

 

Collections with "Do druff bin ich e ..."
Коментари