تۆ شیعرێکی

تۆ شێعرێکی لە ناخمدا هەڵقولاوی

هەر ئەتخوێنم و هەر ئەتخوێنم و نابڕێیەوە

ئەفسونێکی لە دڵمدای

بە هیچ هێزێک، بە هیچ کەسێک،

بە هیچ کەسێ ناکرێیەوە

هەر فرمێسکێک لە چاوانم بێتە خوارێ

بێ گومان بە لە تاو دووری باڵای تۆیە

چونکە ئازیز، دڵدارەکەم بێ ئامێزت،

هەنگاوەکان، هەنگاوەکانم نامۆیە

ئەو کاتانەی کە دڵدار بووین

شیعرەکانم قەڵایێکی پۆڵاین بوون

بەرگەی ئازاریان دەگرتی

لە بیرت دێ لە باوەشی من نەبوایە، نەدەسرەوتی

لەو ڕۆژەوەی کە لێم تۆراوی، ڕۆیشتی، ووشەکانم هەمووی ئاخە

دڵی وێڵم وڵاتێکی بێ بەیداخە

الترجمة الحرفية

To şê'rêkî

To şê'rêkî le naxim da helqulawî

her etxwênim û her etxwênim û nabrêyewe

Efsunêkî le dilimday

be hîç hêzêk, be hîç kesêk,

be hîç kesê nakrêyewe

her firmêskêk le çawanim bête xwarê

bê guman be le taw dûrî balay toye

çunke azîz, dildarekem bê amêzit,

hengawekan, hengawekanim namoye

Ew kataney ke dildar bûyn

Şî'rekanim qelayêkî polayn bûn

bergey azaryan degirtî

le bîrit dê le baweşî min nebwaye, nedesrewtî

lew rojewey ke lêm torawî, royiştî, wişekanim hemûy axe

Dilî wêllim wilatêkî bê beydaxe

Chopy Fatah: أعلى count@

التعليقات