Cairokee - Ana mesh adir (أنا مش قادر)

  • الفنان: Cairokee ( كايروكي)
  • فنان مفضل: Zap Tharwat
  • ألبوم: El sekka shemal (السكة شمال)
Advertisements
العربية
A A

Ana mesh adir (أنا مش قادر)

علمونا في المدارس جمله بتقول العلم نور
كتبوها على الجدران ومن بره المدرسه علي السور
والسور كنايه عن حجب الرؤيه من البدايه
من بره بيقول حكم وجوه كدب ملوش نهايه
 
فقدت الجمله معناها ومغزاها
حالها كحال المناهج حفظناها ومفهمناش
 
انا مش قادر .. أعيد ايامي
انا مش قادر .. افضل في مكاني
 
واقف في طابور بين الجماهير
مستني دور في مسرح كبير
بحي العلم وبقول يا بلادي
ومن قلبي بصرخ وبنادي
يا بلادي انا فين هكون
انا خايف من بكره المجنون
علموني وعيشوني في تاريخ بعيد في فعل كان
ولوحدي سابوني ورموني للمستقبل والأيام
واختاروا طريقي وربطوا ايدي وخلوا العلم ظلااام
 
انا مش قادر .. أعيد ايامي
انا مش قادر .. افضل في مكاني
 
تحكم عليا ازاي وتقولي كام عمرك
ده انا عيشت يوم بسنين يساوي طول عمرك
صبري مفتاحه اتكسر عدلك بقي شىء من الأثر
والحقيقة ان حلمي عن عالمكم انفصل
هو الحق كده دايما غاوي نكد
غاوي يقول بلاوي ويفضح في اللي سكت
امسك يوم لسانك يبقي الأسم باطل
اوعي تسيب مكانك مين يلحق اللي فاضل
 
انا مش قادر .. أعيد ايامي
انا مش قادر .. افضل في مكاني
 
تم نشره بواسطة GeheiligtGeheiligt في الأربعاء, 12/08/2015 - 14:04
تم تعديله آخر مرة بواسطة GeheiligtGeheiligt في الجمعة, 18/12/2015 - 18:00
شكراً!

 

Advertisements
فيديو
التعليقات