Kadir Doğan - Çira xundê zalima

Advertisements
الزازاكية

Çira xundê zalima

Hesreta to zerê mi kerdo leteyî
Cîgerê mi vêsenê jê cîgeranê têsanê Kerbelayî
Na ağu zarê mide theyrê yawanî jiwayî
Hatê mira hewê meremet çîno zerê tode, ti çira xundê zalima
 
Qusir nîyo sultanê mi, ez cemalê tode vêsane
Zerê mi jê lêyê germîya des di îmami gîrîno, têde pêsane
Xatirê wayîrê xora bê sarê mi zanîyê xo sersane
Hatê mira hewê meremet çîno zerê tode, tiçira xundê zalima
 
Na sewda mi bena sanike, yena vatene qomê made
Bena kilame zonê xortu, zonê çênekanê made
Pîrê mi bê comerdîye çeverê xiravîye cade
Hatê mira hewê meremet çîno zerê tode, ti çira xundê zalima
 
Roz u tîjîya mi cemalê tüyo, cemalo nuro
Sewda to perr u qenatê bîyaro mi sero
Canê xo kon qirwane, eke vazê´nawo yeno cêro´
Hatê mira hewê meremet çîno zerê tode, ti çira xundê zalima
 
Ez kerdu phepugê yawanî ardu´ra zoni
Ti mi zerê xode nêfetenena, no biyo mirê derdo girani
Derdê xuyê giranî kemer u kuçê Dersîm sero wanoni
Hatê mira hewê meremet çîno zerê tode, ti çira xundê zalima
 
Hesreta to jê hesreta Desim´i zerê mide kare kerda
Henî bizane ke gul u nergiza mi to dest ra vêrda
Felekê bêbextî ti mira cêra kerda, düri berda
Hatê mira hewê meremet çîno zerê tode, ti çira xundê zalima
 
Qedîr xoce no jiwayîsê to sêro huzurê pîrê to
Pîrê to Hesen Efendîyê Baskoyîye dermanê derdano, o be namê xo
Sewda ma Desîm´de bêro vatene ebe zon be zon
Hatê mira hewê meremet çîno zerê tode, ti çira xundê zalima
 
تم نشره بواسطة ahmetyal في الجمعة, 07/12/2018 - 03:07
شكراً!

 

Advertisements
فيديو
التعليقات