Advertisement

Asin - Damdaming Nakabitin

  • Artist: Asin (ASIN, Lolita Carbon, Mike Pillora Junior, Cesar Bañares Junior (deceased), Pendong Aban Junior)
  • Translations: English
Filipino/Tagalog

Damdaming Nakabitin

Ang mga munting bagay
Na iyong ibinigay
Ay lagi kong hawak
Sa aking mga kamay
 
Sa pamamagitan nila
Ikaw ay nabubuhay
Wala nang mas mahalaga
Sa alaalang taglay
 
Ginuguhit ng ulap
Ang maamo mong mukha
Sumasabay sa hangin
Ang iyong mga tawa
 
Ang pumapatak na ulan
Parang agos ng luha
Luha ng pagmamahal
Na kumakatok sa bintana
 
Ang naiwang alaala
Ay lagi kong nakikita
Sa lahat ng bagay
Na aking ginagawa
 
Damdaming nakabitin
Na naghihintay pa rin
Laging nakaabang
Sa iyong pagdating
 
Kung nasaan ka man
Ay nais kong ipaalam
Na ang pagmahal sa iyo
Ay akin nang natutunan
 
Ang iyong kaligtasan
Ay lagi kong panambitan
At ang iyong pagbalik
Ay lagi kong inaasam
 
Submitted by SaintMark on Fri, 20/07/2018 - 23:21
Submitter's comments:
Added in reply to request by SaintMark
Thanks!

 

 

Advertisement
Comments