Russia is waging a disgraceful war on Ukraine.     Stand With Ukraine!
  • Ewan MacColl

    The 51st Division's Farewell to Sicily

    Featuring artist: Hamish Henderson
    Also performed by: Dick Gaughan
Share
Font size
Original lyrics

The 51st Division's Farewell to Sicily lyrics

The pipie is dozie, the pipie is fey,
He winna come roon’ for his vino the day.
The sky ow’r Messina is unco an’ grey,
An ’a’ the bricht chaulmers are eerie.
 
Then fare weel ye banks o’ Sicily,
Fare ye weel ye valley and shaw.
There’s nae Jock will mourn the kyles o’ ye,
Puir bliddy scwaddies are wearie.
 
Fare weel, ye banks o’ Sicily,
Fare ye weel, ye valley and shaw.
There’s nae hame can smoor the wiles o’ ye,
Puir bliddy scwaddies are wearie.
 
Then doon the stair and line the waterside,
Wait your turn, the ferry’s awa’.
Then doon the stair and line the waterside,
A’ the bricht chaulmers are eerie.
 
The drummie is polisht, the drummie is braw
He cannae be seen for his webbin’ ava.
He’s beezed himsel’ up for a photy an a’
Tae leave wi’ his Lola, his dearie.
 
Fare weel, ye banks o’ Sicily
(Fare ye weel, ye shielings an’ ha’);
We’ll a’ mind shebeens and bothies
Whaur Jock made a date wi’ his dearie.
 
Sae fare weel, ye dives o’ Sicily
(Fare ye weel, ye shieling an’ ha’),
We’ll a’ mind shebeens and bothies
Whaur kind signoritas were cheerie.
 
Then tune the pipes and drub the tenor drum
(Leave your kit this side o’ the wa’).
Then tune the pipes and drub the tenor drum
Puir bliddy scwaddies are wearie.
 

 

Translations of "The 51st Division's ..."
Ewan MacColl: Top 3
Comments