Advertisements

Ellinor Nilsson - Gulleð djäv it lukkų

Other
Other
A A

Gulleð djäv it lukkų

An kumb fel til grą’ll nakun – jųot in i ųor wärd
Og lär fel it fą̊ witå - wert uoss öðeð bjär
Liveð far so ymslund - eð fą̊um jär ą̊ juord
Öðeð ir sakt ųodält – eð-dar ir fel autspuort.
 
B. Að summum sluter liveð – i fattigduom og sorg
Dier sją̊ sig ingg uon og painas – för matn og dagligbroð
Oðrär sę spinn gulltråðn – og liveð syöks war litt
Dier lär fel kenn dier är að – ien oger sammellsstjipt.
 
C. Ur waiðum du enn lieter – um ollų wärdnes land
Min gullę du it knåyta – dug ekta tjärlieksband
Min peninggum du tjyöper – dig wenną um du will
Men slaikt ir it að inggu – eð wärär åv og til.
 
D. Järtað dett du wet eð – eð ir fel sannwenn denn
Dar du werd will jär i wärdn – an waiser dig rett we’nn
An djär so du sir rotån – og djäv dig guoð ien råð
Ur du al ånum jåpa – min dainum lukkgulltråð
 
E. Boð takksamiet og gleði – i ogum oss du sir
Gåvą styösst åv ollum – du beller yönstj eð ir!
Gulleð djäv it lukkų – og įe sak ir klar:
Intnoð tar du min dig – dar du nið i bokkan far
 
Thanks!
Submitted by GuestGuest on Fri, 02/07/2021 - 10:40
Submitter's comments:

This song is in Elfdalian language.

 

Translations of "Gulleð djäv it lukkų"
English Guest
Comments
Read about music throughout history