Extremaduran Poetry - Jalama

Advertisements
Extremaduran

Jalama

Jalama sujeta el cielu,
el cielu d'EI Rebollal,
no sea cuentu que risbali
y mos jaga angun mal.
 
N'esta tierra tan polía,
n'esta tierra sin igual,
Jalama es lo mas altu
que se ve desdi el lugal.
 
A los Reyis de Leon
Jalama los vio llegal,
y trajun a la su genti
pa El Rebollal enllenal.
 
Asturianusy leonesis
mos trajun al Rebollal
los sus bailis, los sus ssonis,
la nuestra jorma de palral.
 
Jalama de siempri estuvu
senta nel mesmu lugal.
 
Aina si ves comu rii
al golvel los ojus p'alla.
 
Mira si tieni emportancia
que siempri la tenemus en boca.
 
Y asín sali en muchas frasis,
no te creas qu'es en pocas.
 
Tal que sabin los pastoris
el tiempu pola su sombra:
"Cuandu Jalama tieni toca,
Perosín ta jechu una sopa".
 
Jalama mos echa un oju
n'esti rincon de la Uropa
guardandu la nuestra palra
comu con un nu de soga.
 
Y es que mos quierin robal
lo mas ricu que tenemus:
la nuestra palra leonesa,
la qu'ussarun mis aguelus.
 
Jalama, cuidamus bien
y echa un oju a lo qu'hacemus,
que si no la nuestra palra
dis qui a pocu la perdemus.
 
Tu que visti pasal reyis,
que visti los pueblus llenus,
cuida la nuestra cultura
qu'otra cosa no tenemus.
 
Submitted by phantasmagoria on Sun, 06/09/2015 - 18:39
Last edited by phantasmagoria on Sat, 18/03/2017 - 00:03
Submitter's comments:

Poesia leida en las Cortes de C. y Leon el 26 de mayo de 2010 como principio de la defensa que Jose Ignacio Martin Benito (procurador en las Cortes) hizo de la lengua leonesa.

Thanks!

 

Advertisements
Video
Translations of "Jalama"
Extremaduran Poetry: Top 3
Comments