Dduje Paravise lyrics

Duje viecchie prufessure 'e cuncertino,

nu juorno, nun tenevano che fá.

Pigliájeno 'a chitarra e 'o mandulino

e, 'nParaviso, jèttero a suná.

Ttuppe-ttù.... San Pié', arapite!

Ve vulimmo divertí.

Site 'e Napule? Trasite

e facitece sentí.

V'avimm''a fá sentí doje o tre canzone

ca tutt''o Paraviso ha da cantá.

Suspire 'e vase, museca 'e passione,

rrobba ca sulo a Napule se fa.

E 'a sera, 'nParaviso, se cantaje

e tutt''e Sante jèttero a sentí.

'O repertorio nun ferneva maje:

Carmela, 'o Sole mio, Maria Marí'.

Ah, San Pié', chesti ccanzone,

sulo Napule 'e ppò fá.

Arapite stu barcone!

'A vedite 'sta cittá?

E sott''o sole e 'a luna, vuje sentite

sti vvoce, ca só' voce 'e giuventù?

Ma si scennite llá, nun 'o ccredite!

Vuje, 'nParaviso, nun turnate cchiù!

Ma, doppo poco, da 'a malincunía

'e viecchie se sentettero 'e pigliá.

Suffrévano nu poco 'e nustalgía

e, a Napule, vulèttero turná:

Mo, San Pié', si permettite,

nuje v'avimm''a salutá.

Site pazze! Che dicite?

Nun vulite restá ccá?

Nuje simmo 'e nu paese bello e caro

ca tutto tène e nun se fa lassá.

Pusìlleco, Surriento, Marechiaro!

'O Paraviso nuosto è chillu llá!

Translations of "Dduje Paravise"

Fausto Cigliano: Top 3

Comments

	Måneskin Alternative, Rock
	Ricchi e Poveri Pop
	Andrea Bocelli Classical, Opera, Pop
	Eros Ramazzotti Pop, Rock,
	Toto Cutugno Pop, Singer-songwriter
	Al Bano & Romina Power Pop
	Adriano Celentano Pop, Rock 'n' Roll,