Fiume Sand Creek (English (Scots) translation)

  • Artist: Fabrizio De André
  • Song: Fiume Sand Creek 14 translations
  • Translations: Catalan, English #1, #2, English (Scots), Esperanto, Finnish, French, German, Hungarian, Polish, Portuguese, Russian, Sardinian, Spanish

Sann Creek River

Thay reft our hert awa aneth a mirkie blanket
Aneth a muin deid in its bairntime we sleepit free o fears
It wes a general twinty year auld
Blae in the een jaiket the samen
It wes a general twinty year auld
Son o a blouster
 
Thare a siller dollar liggin on the bed o Sann Creek.
 
Our weirmen ower faur awa on the steid o the bison
An thon hyne-awa muisic gat louder, aye louder
Thrice I steikit my een
Yince mair I kent I wes thonder
I speirt o my granda wes ’t jist a draem
An granda said aye
 
The fishes is singin whiles on the bed o Sann Creek.
 
Sae strang wes my draems the bluid tuim’d doun frae my neb
Levin-flauchts in the tae lug an paradise in the tither
The peeriest tears
The meiklest tears
Whan the tree o snaw
Bluim’d wi reid starns
 
The bairnies is sleepin nou on the bed o Sann Creek.
 
Whan the sun heistit his heid abuin the shouthers o nicht
Thare wes naethin but dugs an reek an whumml’t tents
I cuist a flane at the lift
Tae gar it breathe
I cuist a flane at the wunn
Tae gar it bleed
 
Seek for the third o the flanes on the bed o Sann Creek.
 
Thay reft our herts awa aneth a mirkie blanket
Aneth a muin deid in its bairntime we sleepit free o fears
It wes a general twinty year auld
Blae in the een jaiket the samen
It wes a general twinty year auld
Son o a blouster
 
The bairnies is sleepin nou on the bed o Sann Creek.
 
Submitted by LobolyrixLobolyrix on Wed, 11/01/2017 - 15:59
Last edited by LobolyrixLobolyrix on Fri, 04/08/2017 - 07:04
Author's comments:

Alternative videos:

ItalianItalian

Fiume Sand Creek

Comments