Advertisements

Ghassan Rahbani - بعد ما شفت شي (Baed Ma Chefet Shi)

Arabic
Arabic
A A

بعد ما شفت شي

الليرة كانت تحكي وهلّق صارت عم تبكي
وانت بعدك بتقلّي بعد ما شفت شي
السُفرة كانت تِنمَد صرنا ناكل عالقد
والمشاوي بال weekend من شِما من الشرفة
 
تفضّل غلي البنزين والمازوت بالتقنين
والكهربا بالزور بعد ما شفت شي
 
المدعوم المدعوم هوّي وحدو البيعوم
تسجّلت بالمنصة؟
كل شي ولا المنصة!
كول وطعميني نُصّا وما رح يطلعلك شي
 
المِنصّة واللجان بصّرلي بهالفنجان
بعد ما شفت شي… بعد ما شفت شي
 
بعد ما شفت شي…بعد ما شفت شي
بعد ما شفت شي…
ما شفت شي
 
"رفعت محطّات الوقود خراطيمها وتهافت على البضائع المدعومة"
 
سيّارتي بالتصليح وفيتاسا جريح
وأنا من وجعي بصيح
بعد ما شفت شي
طابور عالمحطة وتهافت عالمدعوم
والأسعار عم بتكون بالدولار الملغوم
 
عم يحكوا بالتشليح والسرقة والتسليح
وشو بعد بدنا نشوف؟
بعد ما شفت شي
بعدو ماشي التهريب والفوضى والترهيب
والحل مَنّو قريب وتسلملي يا نتقيب
 
شفنا من كل شي الراشي والمرتشي
وما عم يظبط شي وركبنا عالجحشِ
 
اللوازم المطلوبة بالحد الأدنى
لِشعبٍ ينزحُ يا عيوني بالشرق الأدنى
استخفافٌ على استخراءِ في انحاءِ البلادِ
بالشبابِ وبالشيبِ كما بباقي العبادِ
بطرٌ على استفحالِ بوطنٍ سعرو مش غالي
اذ قُدِّرَ لنا ديماً التعوّد عالمعالي
ألحامي والحرامي ديماً نفس الأسامي
ايييه، ديماً نفس الأسامي بعد ما شفت شي
 
بعد ما شفت شي… بعد ما شفت شي
بعد ما شفت شي… ما نمت شي
 
عدس، ولك العدَس؟! بعد لتنقّبوا عالعدس
 
خيّ استلمتوا البلد من 30 سنة، وأكتر من 30 سنة
وما طلع من أمركن شيء!…
فا زيحوا بقا!!
 
بعد ما نمت شي، ولك ما عم نام شيييييي
 
بعد ما شفت شي…بعد ما شفت شي
بعد ما نمت شي…ما نمت شي
 
أي قوموا عن الكرسي بدنا نعلّق المرسة
وغير ما الفاسد يتحاكم والسارق يتحاسب
ما رح يظبط شي
 
والأرزة بدنا نشكّا والرقبة بدنا نفِكّا
واجرك رح منسِكّا وبعد ما شفت شي
 
بعد ما شفت شي… بعد ما شفت شي
بعد ما شفت شي… ما رح تنام شي
 
ما رح تنام شي… ما رح تنام شي
بعد ما شفت شي… ما شفت شي
 
Thanks!
thanked 1 time
Submitted by KitKat1KitKat1 on Fri, 18/06/2021 - 03:21
Added in reply to request by julietarabjulietarab

 

Ghassan Rahbani: Top 3
Comments
Read about music throughout history