Russia is waging a disgraceful war on Ukraine.     Stand With Ukraine!

pilin Weliko lyrics

  • Artist: jan Usawi
Toki Pona
Toki Pona
A A

pilin Weliko

toki mi la
mi jo ala e nimi
pi pilin nasa ni
sama ni: mi wile e kili
lawa mi li sike sike
tan pali ike ike
o pana e misikeke
insa mi li pakala
tan seme a?
lon anpa tan kalama wawa
ona li toki en ni:
 
mi ken ala lawa e lawa mi
mi ken ala pilin e pilin mi
mi ken ala kepeken ale mi
o pana e nimi esun tawa monsuta sin ni
a, ni li pilin Weliko
 
noka mi li d-rmm d-rmm
sama ma utala
tomo tawa li v-rmm v-rmm
o weka! mi tawa
pilin mi li sike sike
ale mi li ike ike
o moli e mi anu seme!
a mama! pakala!
o pana e namako, namako
tawa tenpo ni:
insa mi ken ala kama jo e namako sin
musi nasa ni li moku e ale
mani li ale
sina sona ala e ni la
mi mute li anpa e sina
 
nasin ni la
mi jo ala e nimi
mi wile kama wawa
mi wile kama mi
taso tomo ni li lili
mi pilin lape
mi wile lape la
mi pali mute
tan seme a?
jan seme li sona kamalawala?
ona li toki en ni:
 
mi ken ala lawa e lawa mi
mi ken ala pilin e pilin mi
mi ken ala kepeken ale mi
mi ken ala anpa tan tenpo ni
 
toki mi la
mi jo ala e nimi
pi pilin nasa ni
sama ni: mi wile e kili
lawa mi li sike sike
tan pali ike ike
o pana e misikeke
insa mi li pakala
 
lukin ona la
mi jo ala e nimi
mi ijo pi pali mi
mi ilo nanpa sin
selo la mi jan sewi
insa la mi akesi
ni li lon ala, li lon ala
ni li pilin Weliko
 
Thanks!
Submitted by jan_Pijonjan_Pijon on Fri, 23/09/2022 - 03:15
Submitter's comments:

Lyrics provided in YouTube video description.

 

jan Usawi: Top 3
Comments
Read about music throughout history