✕
Original lyrics
1 translation
Наўздагон за модаю lyrics
Нехта кажа, што я ў цэлым
Устарэў душой і целам:
Не прыстаў мне модны стыль,
І пара мяне ў утыль.
Хто ж дыктуе стыль той модны?
Ну вядома - «свет свабодны».
Хто не хіліцца да мод,
Той як быццам ідыёт.
Што ж рабіць мне -- «іыёту»?
Трэба брацца за работу,
Каб ніхто не мог пакпіць.
І работа ўжо кіпіць.
Каб трымаць на ўзроўні марку,
Грыву адпусціў на карку
Я з апошніх валасоў
На тарзанаўскі фасон.
Каб адсталым не памерці,
І ў мастацтве на тры чвэрці
Скінуў я стары свой груз, -
Памяняў на новы густ.
Што мне Моцарты і Глінкі!
Я не бачу ў іх жывінкі
І аддаў бы ўсіх зараз
За адзін сучасны джаз.
Як прыйшлося да гаворкі,
Дык і Горкі мне - не Горкі,
І праслаўлены Талстой
Леў зусім ужо не той.
Я засунуў іх пад лаўку
І чытаю толькі Кафку,
А часцей яшчэ Камю,
Што падобны на Кюзьмю.
Для хутчэйшага прагрэсу
Ўзяўся я за антып'есу
І рубаю з-за пляча
Твор для антыгледача.
Khvedar NabilkinKandrat Krapiva: Top 3
| 1. | Ганарысты парсюк (Hanarysty parsyuk) |
| 2. | Дыпламаваны Баран (Dyplamavany Baran) |
| 3. | Далiкатныя парасяты (Dalikatnyya parasyaty) |
Comments
Music Tales
Read about music throughout history
Упершыню надрукаваны ў часопісе «Вожык», 1971, №7. Датуецца 1971.