Ausèl de la mar granda lyrics
Occitan
Occitan
A
A
Ausèl de la mar granda
✕
- Diga-me ausèl de la mar granda
Tu que vòlas totjorn ser e matin
Butat pel marin o la cisampa
Diga-me ont es lo meu camin...
- Ton camin es aquel que s’amaga
Darrièr cada arbre, cada panical
Ton camin es aquel que te fargas
A tu de lo traçar plan coma cal.
- Diga-me ausèl de la montanha
Tu que sabes ont naisson las nivols
Digas me lo país de cocanha
Cossí far per lo trapar un jorn...
- Aquel país es aquel que dessenhas
Sus la saula fina de ton òrt
Aquel país es aquel que t’ensenhan
Dins la nèch los teus sòmis los pus fòls.
- Diga-me auselon del viatge
Tu que totjorn segues lo printemps
Per delà lo mendre paisatge
Diga-me se l’amistat dura longtemps...
- L’amistat es quicòm que s’encontra
Al sortir de l’ombra de ton niu
Es coma una istòria que se conta
A tu de la far durar tot un briu.
- Diga-me rossinholet salvatge
Tu que totjorn cantes nèit e jorn
Aval arrucat dins ton boscatge
Diga-me cossí far una cançon...
- Una cançon es una flor que puèlha
Jos las pèiras gròssas del camin
Dins l’agach dels òmes, de las bèstias
O dins las prigondors de l’infinit.
- Diga-me ausèl de la mar granda
Lai lai lai lai lai lai ser e matin
Lai lai lai lai lai lai o la cisampa
Lai lai lai lai lai lai lo meu camin...
Lai lai lai lai lai lai...
✕
| Thanks! ❤ |  |  |
| thanked 2 times | ||
Submitted by 
tdwarms on 2017-11-18
tdwarms on 2017-11-18Last edited by 
Metodius on 2017-11-18
Metodius on 2017-11-18La Talvera: Top 3
| 1. | Dins lo cèl |
| 2. | Lo meu país |
| 3. | La camba me fa mal |
Comments
Music Tales
Read about music throughout history