L'essenziale (Sardinian translation)

Advertisements
Sardinian translation

S’essentziale

Gai naran sos eroes
«si su jocu si fachet tostu, tocat a lu jocare!»
biados issos, si a pustis
si torran sas inzurias chin su ‘ene.
Fintzas a nois nos podet acuntèssere
de nos gherrare e posca disizare sa pache,
e in su siléntziu meu
cada dolore tuo ‘che lu torro a nudda
pro apretziare su chi no apo ischidu seperare.
 
In s’interis chi su mundu si‘che rughet a cantzos
deo collo tretos e disizos nobos
chi t’apartenen a tibe puru
chi dae semper ses pro mene
s’essentziale.
 
No apo a atzetare
un àteru irballu ‘e balutatzione,
s’amore si podet cubare
fintzas a palas de paràulas carinnosas
chi apo nau antis chi
ésseren istadas bòdias e macas.
 
In s’interis chi su mundu si‘che rughet a cantzos
deo collo tretos e disizos nobos
chi t’apartenen a tibe puru.
 
In s’interis chi su mundu si‘che rughet a cantzos
deo mi’ch’istesio dae sas esazeratziones
e dae sos malos imbitzos,
apo a torrare a su connotu,
torro a tie chi ses pro mene
s’essentziale.
 
S’amore non sighit sa lòzica,
ti’che bocat s’alenu e su sidiu.
 
In s’interis chi su mundu si‘che rughet a cantzos
deo collo tretos e disizos nobos
chi t’apartenen a tibe puru.
 
In s’interis chi su mundu si‘che rughet a cantzos
deo mi’ch’ istesio dae sas esazeratziones
e dae sos malos imbitzos,
apo a torrare a su connotu,
torro a tie chi ses pro mene
s’essentziale.
 
Submitted by HampsicoraHampsicora on Tue, 12/02/2019 - 18:35
Added in reply to request by swedensourswedensour
Italian

L'essenziale

Comments