Mario Merola

Mammà • Mammà / 'O treno d' 'o sole (1976)
1 translation
Italian

✕

Original lyrics

1 translation

Mammà lyrics

Mammá, te porto 'a 'nnammurata mia

Ca giá te ne parlaje tre ghiuorne fa

Diciste: "È una 'e chelle 'e miez'â via

E maje permetto ca trasesse ccá"

Ma guardala, mammá, tene vint'anne

Si chiamma Addulurata e mm'addulora

Ca tu n' 'a vuó cacciá proprio a chest'ora

Ch'è notte, chiove e tene 'a freve, oje má

Mammá

Nun ce dicere 'e no

Giá cu ll'uocchie te chiamma

Cerca 'o core 'e 'na mamma

Nun dicere 'e no

Mammá

T' 'o pprumetto giá mo'

Lasso 'e ccarte e ll'amice

Campammo felice

Accummencio da mo'

T' 'o giuro, mammà

Mammá, si tu vuó' bene ô figlio tujo

Salvanno a essa tu me salve pure a me

Mm'ha raccuntato d' 'o ppassato sujo

E mo' se mette scuorno 'nnanze a te

Io dico: 'a colpa è sempe d' 'o destino

Ca mena addó va va, comm' 'o cecato

A essa ha dato 'a croce d' 'o peccato

E a te t'ha dato 'a croce 'e ll'onestá

Mammá

Nun ce dicere 'e no

Giá cu ll'uocchie te chiamma

Cerca 'o core 'e 'na mamma

Nun dicere 'e no

Mammá

T' 'o pprumetto giá mo'

Lasso 'e ccarte e ll'amice

Campammo felice

Accummencio da mo'

Mammá, tu nun rispunne? E io perdo 'a fede

Mme scaglio contro a tutte e contro a te

È overo, è overo, è stata 'ncopp' 'o marciappiede

Tu ca si' mamma nun 'a puó giudicá

Che stó dicenno, oje má? Só nu spergiuro

Perdòname mammá, te stó accedenno

A tutt'e duje ce staje benedicenno

Mo' Dio stu core 'e mamma ha da salvá

Mammá

Nun ce dicere 'e no

Giá cu ll'uocchie te chiamma

Cerca 'o core 'e na mamma

Nun dicere 'e no

Mammá

T' 'o pprumetto giá mo'

Lasso 'e ccarte e ll'amice

Campammo felice

Accummencio da mo', oje má!

Translations of "Mammà"

Mario Merola: Top 3

1.	zappatore
2.	Tarantella Napoletana Comandata
3.	'A dolce vita

Comments

Login or register to post comments

↑↓