Advertisements

Marisa Sannia - Istasera un'Organittu (Serenada de Ierru)

  • Artist: Marisa Sannia
  • Translations: English
Sardinian
A A

Istasera un'Organittu (Serenada de Ierru)

Istasera un’organittu
sonat in sa cantonada;
est una notte isteddada,
est una notte isteddada.
 
Cal’est s’amore lontanu
chi m’amentat custu sonu?
De chi’ est custu resjonu
antigu dulche e galanu?
Bessit dae Campidanu,
falat dae Logudoro?
No isco, no isco.
Intantu su coro
iscultat sa serenada.
 
Sos montes sunt ispozados,
falat bianca s’iddia;
e paret cust’armonia
boghes de amores passados,
de coros iscunfortados
in tropu mala fortuna
chi dimandan nessi una
die felice e pasada.
 
Istasera un’organittu
sonat in sa cantonada;
est una notte isteddada,
est una notte isteddada.
 
Cantan forsis de fulana
cudda bellesa divina?…
Una pobera ‘ighina
mesu etza e pagu sana,
issa puru a sa ventana
s’acerat pro iscultare.
No est pro innamorare,
ma iscultat incantada,
iscultat sa serenada.
 
Ind’un’atera istajone,
cantaiant pro issa puru
a facca de su etzu muru,
suta su etzu balcone,
calchi festosa cantone
calchi mutu fentomadu.
Ma totu custu est passadu,
ne tenet pius torrada.
 
Istasera un’organittu
sonat in sa cantonada,
est una notte isteddada,
est una notte isteddada.
 
Submitted by HampsicoraHampsicora on Mon, 26/10/2015 - 17:59
Last edited by HampsicoraHampsicora on Thu, 12/11/2015 - 19:39
Thanks!

 

Advertisements
Video
Translations of "Istasera ..."
Marisa Sannia: Top 3
Comments
Advertisements
Read about music throughout history