Mohamad Eskandar - ماري روز-Marie Rose

Advertisements
Arabic

ماري روز-Marie Rose

أكبر غرام بهالأرض لزم يتحول علني
ما قبلوا نتجوز بعض بكرا منتجوز مدني
 
أكبر غرام بهالأرض لزم يتحول علني
ما قبلوا نتجوز بعض بكرا منتجوز مدني
أحسن ما الأيام تمر
وأحسن ما تغلط بالسر
ولا متفارقين من غير شر
ولا نطلب منهم حسنة
ولا نطلب منهم حسنة
 
شو فيها ان كنت محمد وان كنتي ماري روز
بدمع عيونك بتعمد والفرقة ما بتجوز
شو فيها ان كنت محمد وان كنتي ماري روز
بدمع عيونك بتعمد والفرقة ما بتجوز
ودم ال بعراقي تجمد بس قالوا الدنية حظوظ
إنتي حظي وما بعرفك لو برصاص نرشيت
أكبر غرام بهالأرض لزم يتحول علني
ما قبلوا نتجوز بعض بكرا منتجوز مدني
 
بعرف قراري مش سهل
اتكلي عليّ وما يهمك
بالنسبة لموضوع الأهل
إمي بتروي إمك
بيي وبيك على كل حال
حفيدن بيهدّي البال
وبيسامحنا كل مين قال
رح يهدر دمي ودمك
رح يهدر دمي ودمك
 
حرام بتفرق قلبي وقلبك بإسم الدين
يا عالم الله محبة لا تلوموا المغرومين
حرام بتفرق قلبي وقلبك بإسم الدين
يا عالم الله محبة لا تلوموا المغرومين
في ناس أوضاعن صعبي وعالليرة مخنوقين
مصاري سهرة خطبة بيدفعوهن قسط البيت البيت
أكبر غرام بهالأرض لزم يتحول علني
ما قبلوا نتجوز بعض بكرا منتجوز مدني
 
إنتي عمري وإلنا حقوق
إحساسك مع إحساسي
قلبي لقلبك مخلوق
ورأسك بيفهم راسي
إنسانة حبّت إنسان
هاي منا قلة إيمان
لا بتأثر على لبنان
ولا على رجال السياسة
ولا على رجال السياسة
 
بدن ننطر بلدنا تا يحل مشاكلو
منكن بالتخت رقصنا وبعدن يتقاتلوا
بدن ننطر بلدنا تا يحل مشاكلو
منكن بالتخت رقصنا وبعدن يتقاتلوا
ومنعيش بالحد الأدنى عالمرّ وعالحلو
لو كان ما بكفينا خبز وزيتون وزيت
أكبر غرام بهالأرض لزم يتحول علني
ما قبلوا نتجوز بعض بكرا منتجوز مدني
 
Submitted by KitKat1KitKat1 on Mon, 18/02/2019 - 04:33
Added in reply to request by Daniel Shalev TibiDaniel Shalev Tibi
Thanks!

 

Advertisements
Video
Comments