Advertisement

Pietro Lignola - 'A libbertà

Neapolitan

'A libbertà

‘O libbro ‘e storia ‘e fìgliemo, ch’a quinta sta’ facènno,
dice ca chistu pòpolo, cientovint’anne fa,
‘a quanno ch’era sùddito, vulènno o nun vulenno,
na razia le facèttero, avètt’a libbertà.
 
Dice ca primma stévemo “oppressi dal tiranno”
e tanno spantecàvemo cercanno ll’Unità;
ca po’ nun ‘o ssapévemo e se vedètte quanno
brigante nce chiammàjeno pe nce puté’ sparà.
 
I’ sóngo pòco pràtteco, nun aggio fatto ‘a scòla,
pe’ chésto cumpiatìteme, nun me saccio spiecà’.
Ma mo’ vulésse pròpeto dìcere na parola:
luvamm’a miézo ‘e cchiàcchiare, ‘o fatto cómmo sta’?
 
Cchiù primma, ch’èra sùddito, nu pòvero cristiano
putéva fà’ na sùpplica dirètta a Sua Maestà;
macaro ‘o cuntentàvano. Mo’, essèndo ch’è sovrano,
vo’ na còsa e l’arrónzano; mannaggia a libbertà!
 
Submitted by Pietro Lignola on Sun, 16/09/2018 - 21:08
Last edited by Hampsicora on Sun, 16/09/2018 - 21:10
Submitter's comments:

La poesia è del 1981. Perciò indica il tempo passato dalla conquista piemontese in 120 anni.

Thanks!

 

 

Advertisement
Pietro Lignola: Top 3
Comments