Advertisements

Please help to translate "#Дьол (#Col)"

Sakha/Transliteration
A A

#Дьол (#Col)

Икки киhи олороллор элбэҕи бииргэ ааhан
Итиини-тымныыны барытын бииргэ тулуйан
Таптал диэни булан, саҥа тыыны эбэн
Эдэр ыалларга сүрүн холобур буолан
Бастаан уол санаата буккуллар этэ бу дойдуга
Таптал туhунан истэр, ыллыыр ырыаларга
Элбэх бириэмэни уурар да этэ күүлэйгэ
Ол да буоллар туох эрэ тийбэт этэ киниэхэҕэ
 
Уөрөх, күүлэй бириэмэтэ кини өрүү дэлэй
Сыыһа саҥа киирэр олох миэхэ кэччэгэй
Көрө илик буолан тапталы кини итэҕэйбэт
Кэҕэ этэ илигинэ сайыммыт сатаан кэлбэт
Ол күн кэргэнин көрбүт бастакытын түгэнэ
Билбэт кыыһын көрсөн чугаһаан сатаан кэпсэппэтэх
Долгуйуу кытаанах этэ, толкуйбут элбэх этэ
Ол да буоллар уолбут чугаһаан кэпсэппитэ
Итинтэн ыла таптал суолугар уктэммитэ
Кыыс киниэхэ соһуччу истин эппиэт биэрбитэ
Умайда кутаа уота, тийбэтэ туолан
Олоҕун аныыр киниэхэ
Кинини таптаан
 
Соҕотох турбаккын орто дойдуга
Сыалгын ситиһэн аналгын буллахха
Төһө да буол соҕотоҕун олорон
Түмүүккэр өйдүөҕүн таптала суох дьол эмиэ суоҕун
 
Кыыс эмиэ баран испитэ эрдэ бэйэтин суолунан
Төрөппут өнөлөрө эмиэ олус да улахан
Туора-маары хаампатах күүлэйдиир үөрүтэ быстах
Кэтэһэр аналын, иннигэр эрэллээх
Бары сүбэлии сатыыллар хайа диэкки баар дьол
Хайдах буолуохтааҕын кини аттыгар уол
Ылыммат кини атын санаалары, сылаталлар
Бэйэтэ билэр, эрээри иһигэр тутар
Күн тыгар, ол аата суохтар үөһэ былыттар
Эдэркээн сэмэй кыыс турар уолбут аттыгар
Сулустар этэллэр кинилэр бугун билсиһэллэр
Айылҕа эмиэ эппитэ таптал бугун тиллэр
Майгыта сылаас, атыттардааҕар кини аһаҕас
Дьиҥнээх сүрүн кыыс ылынар чугас
Кэмсиниэм суоҕа диир кинини талан
Олоҕун аныыр киниэхэ
Кинини таптаан
 
Соҕотох турбаккын орто дойдуга
Сыалгын ситиһэн аналгын буллахха
Төһө да буол соҕотоҕун олорон
Түмүүккэр өйдүөҕүн таптала суох дьол эмиэ суоҕун
 
Эйэлээхтик олороллор икки киһи сиэттиһэн
Таптаһан, мэһэйдиир дьонтон толлубакка
Этиһии кэнниттэн булгуччу өйдөһөн
Дьолу булан олороллор сылы ыксаппакка
Ыал буолан, оҕо-аймах төрөтөннөр
Үөрүүннэн-көтүүннэн сырдыгынан сандаараллар
Ийэлээх аҕа буолан оҕолорун алҕыыллар
Харыстаан, алдьатымаҥ эһиги тапталгытын
 
Соҕотох турбаккын орто дойдуга
Сыалгын ситиһэн аналгын буллахха
Төһө да буол соҕотоҕун олорон
Түмүүккэр өйдүөҕүн таптала суох дьол эмиэ суоҕун
 
Submitter's comments:

Big thanks go to Alex from EnglishMate school in Yakutsk, Yakutia for sending me the lyrics!

More translations of "#Дьол (#Col)"
Comments