Advertisements

Please translate Олык воктен

Mari

Олык воктен (Olyk vokten)

Тора корныш каймем годым олык воктен кайышым,
Олык воктен пеледышым поген кайышым.
Пеледышым погышым, эре тыйым шонышым,
Монден ом керт нигунамат, йолташем!

Кушто мыйын шÿдырем, молан ок кой шинчамлан –
Ала тудым шем пыл петыралын?
Кушто мыйын йолташем, молан ок тол воктекем –
Ала тудо ик шомаклан ÿшаналын?

Лыжга мардеж пуалеш да чевер кече ончалеш,
Канде тÿран носовикем кошкалеш.
Муралтен колтем гын, шÿшкалтен колтем гын,
Изи ойган чонемжым лыпландарем...
… … …
Тый олыкыш ит воло, мый олыкыш ом воло,
Когыньнанат изи йолна ынже нöрö.
Тые мыйым ит шоно, мые тыйым ом шоно,
Когыньнанат изи чонна ынже йÿлö!

Олыкшат кумда, савамжат нÿшкö,
Солалтен полшыжат иктат уке.
Ялжат кугу, шомакшат шуко,
Арален налшыжат иктат уке!
… … …
Лийже ыле куэрем, лийже ыле ломберем,
Тышан куку шинчан муралтыже ыле.
Лийже ыле йолташем, шичше ыле пеленем,
«Тыйын вел йӧратем», – манже ыле!

Тора корныш каймем годым олык воктен кайышым,
Олык воктен пеледышым поген кайышым.
Пеледышым погышым, эре тыйым шонышым,
Монден ом керт нигунамат, йолташем!

Submitter's comments:

Language – олык марий
rus.– марийский (луговой)
eng. – Meadow Mari

Слова народные
Музыка – в рок-обработке Эльвиры Курай

Comments