البصارة (Al Bassara)

Arabic
A A

البصارة

طليتي من بعد غياب… يا اهل وسهلا فيكي
هالرجعة عاملا حساب… مستني تحاكيكي
مستني الدقة عالباب… حتى اطلع لاقيكي
بالمسبحة والجلباب… والشملة البتغطيكي
صرتي من اوفى الاحباب… بينتي من ماضيكي
فتحتي بالتبصير كتاب… صرتي بأسراري شريكة
كشفتيني كل الأسباب… واللي فيكي مكفيكي
عملتيلي للعين حجاب… وعين المولى تحميكي
خفت عليكي من الإعجاب… وصرت بدوري ارقيكي
صفى في عندي سرساب… تشوفك يا بصارة
ويلي هور يابو الهوارة… ياديني شو هالبصارة
سمتلي كل الأبراج… عيني راحت ترويلي اخبارا
 
قالت يا أسمر عم ضل… اسأل عنك ما شوفك
ويقولولي مبارح فل… اهل الديرة وضيوفك
سايح متل البدر تهل… والغربة مابتعوفك
وعليها بالفن تحل… تطربها بنظم حروفك
تسعى تمشي ما بتمل… وحتى تأمن مصروفك
تحملا بإسم الكل… وغصون الأرزة بكفوفك
واللبناني بكل محل… مش رح ينسى معروفك
يفرح لما عيله تطل…وتغنيله لهوارة
ويلي هور يابو الهوارة… ياديني شو هالبصارة
سمتلي كل الأبراج… وراحت ترويلي اخبارا
 
ما بنسى كل الأسرار… بينتيها بفنجاني
كانت موثوقة الأخبار… كنتي فيها عرفانة
كأنه عندك رادار… بيلقطها عالعمياني
وبيتحكم بالطيار… ويضوي خط الأمانة
قلتي المستمعين كتار… وياما حفظولي غناني
بالخمس نجوم الزوار… هاجوا بساحة ميداني
رقاصة داير من دار… وعينا فيي سكرانة
من صوتي هز الزنار… وخلخالا والأسوارة
ويلي هور يابو الهوارة… ياديني شو هالبصارة
سمتلي كل الأبراج… وراحت ترويلي اخبارا
 
ردت قالت يا ابن الناس… حسادك هني هني
كتار وماعندن إحساس… بغاروا لما تغني
خصوصي بحفلات الأعراس… والزفة عند الحنة
موالك بعبي الراس… يفتح ابواب الجنة
والناس بطبعا اجناس… بتهني وما بتهني
من صدرك شيل الوسواس… لاتعمل طنة ورنة
للحاسد ما تحط قياس… ولا تقله قرب مني
ولا تشرب من ايده الكاس… يعطلك المرارة
ويلي هور يابو الهوارة… ياديني شو هالبصارة
سمتلي كل الأبراج… يابا راحت ترويلي اخبارا
ويلي هور يابو الهوارة… ياديني شو هالبصارة
سمتلي كل الأبراج… وراحت ترويلي اخبارا
 
English

 

Login or register to post translation
Comments