Russia is waging a disgraceful war on Ukraine.     Stand With Ukraine!

سلام الله على شمر (Salam Allah ala Shmer)

Arabic
Arabic
A A

سلام الله على شمر

يقولون العرب ماتنجب الابطال غير الابطال
وانا اقول النشامى ماتغير عن مباديها
على كثر التحضر والتمدن كثر قيل وقال
بقت جذوة اصاله ماتبدل عن مماشيها
سلام الله على شمر جبال سميت بجبال
لا والله ان الجبال اللي تسمى في اساميها
طنايا والطنايا لا انتخوا لك رجلي وخيال
تعرف ان العزاوي يابعد حي عزاويها
سلام الله على دار الاسود وموطن الاشبال
سلام الله على حايل ومن يسكن ضواحيها
سلام الله على المنصى ليا حدك لهيب اللال
سلام الله على حاتم وكنه باقي فيها
رحل حاتم بقى حاتم سكن حاتم هنا لازال
تفاصيل هنيا باقيه مابين اهاليها
تشوف الشمري رجال لكنه بعشر رجال
هقاويها على العليا هقاويها هقاويها
لا شفت الشمري في بشته وبعقاله الميال
تعرف ان الشكاله ما لها ياكود راعيها
سلام الله على عبده هل الافعال والاقوال
سلام الله على الاسلم ومن يتبع خطاويها
سلام الله على سنجاره اللي للكرم مدهال
سلام الله على الفداغه ومن منسبه فيها
سلام الله على الغصن الكبير محمد الحلال
يحل المشكلة لا كبرت الدعوى وينهيها
ابن غصن الكريم زيننه نادرات افعال
ابن غصن اللي ليا كبرت القالة يهديها
تعزوى به كبار القوم لا جات الامور جلال
وتفخر فيه قوم للضعافى بيض اياديها
كريم من كرام بين عم وبين جد وخال
عسى الله يحفظ اللي ماتغير في مماشيها
سلام الله على شمر على حايل جبل وسهال
على سلمى واجا واللي تربى في حراويها
 
Bagheli

 

Login or register to post translation
Comments