Please help to translate "Gosos de Nadale"

Sardinian (northern dialects)
A A

Gosos de Nadale

Glória a Deus Salbadore
e a sa mama Maria,
dande a su mundu allegria
naschidu est su Redentore.
 
Sos coros angelicales
faghen festa de cuntentu,
totus, in custu naschimentu,
si turban sos infernales.
 
Sos astros celestiales
multiplican su lugore,
dande a su mundu allegria
naschidu est su Redentore.
 
In sa celeste altura
si cumparit un’istella
tantu risplendente e bella
chi allegrat sas criaduras.
 
E disterrat sas tristuras
custu nou risplendore,
dande a su mundu allegria
naschidu est su Redentore.
 
Anninnia, sole ermosu,
lassa su lagrimare
ca est ora de lis dare
a sos ojos su reposu.
 
Dromi tue, sole lustrosu
d’eternu risplendore,
dande a su mundu allegria
naschidu est su Redentore.
 
Submitter's comments:

An old Christmas carol from the 19th century.

Italian

 

Login or register to post translation
Translations of "Gosos de Nadale"
Comments