Salvatore Di Giacomo - Tu nun m vuo' cchiù bène

Advertisements
Neapolitan

Tu nun m vuo' cchiù bène

T'aggio visto dint'a st'uócchie bèlle,
vèrde cómm'o mare, na smania passá.
Nun dì no.
T'aggio ditto: "Ma pecché nun parle?"
Maje si' rummasa, cchiù zitta Carmè',
cómm'a mo.
E accussí, mme sô' addunato
ca nu' cchiù a me, ma piénze a n'ato.
 
Carmè', Carmè.
Tu nun me vuó' cchiù bène,
tu nun me cure cchiù. (ddoje vote)
 
'Sta manélla
abbandunata e frédda,
chélla ca, na vòta, tremmava, nun è.
Nun dí no.
'Sta vucchélla,
ca redéva sempe,
nn'aggio vista maje chiù 'nzerrata restà
cómm'a mo.
E accussì me sô' addunato
ca no’ cchiù a me, ma piénze a n'ato.
 
Carmè', Carmè.
Tu nun me vuó' cchiù bène,
tu nun me cure cchiù. (ddoje vote)
 
Sissignore,
è scritto e destinato
ca 'a fine 'e ll'ammóre
pure ha da venì.
Nun dí no.
Ma che strazio quanno se ne mòre
stu pòvero ammóre
e che fine che fa,
cómm'a mo.
Ma si 'a mo nun piénze a n'ato
che fa, che fa? Tu m'hê lassato.
 
Carmè', Carmè.
Tu nun me vuó' cchiù bène,
tu nun me cure cchiù.(ddoje vote)
 
Submitted by Pietro Lignola on Thu, 06/12/2018 - 20:05
Thanks!

 

Advertisements
Video
Translations of "Tu nun m vuo' cchiù ..."
Comments