Advertisement

Thibaut de Champagne - de fine amor

  • Artist: Thibaut de Champagne (Theobald I of Navarre,Teobaldo, Theobald IV de Champagne)
  • Also performed by: Alla Francesca
  • Translations: English
French (Middle French)

de fine amor

Dame, vers vos n'ai autre messagier
Par cui vos os mon corage envoier
Fors ma cbançon, se la volez chanter.
 
Et amors vient de ces deus autressi.
Tuit troi sont un, que bien i ai pensé,
Ja ne seront a nul jor departi.
Par un conseil ont tuit troi establi
Lor correors, qui sont avant alé.
De moi ont fet tout lor chemin ferré,
Tant l'ont usé, ja n'en seront parti.
 
Li correor sunt de nuit en clarté
Et de jors sont par la gent obscurci.
Li douz regart et li mot savoré,
La grant biauté et li bien que g'i vi,
N'est merveille se ce m'a esbahi.
De li a Dex cest siecle enluminé:
Quant nos aurons le plus biau jor d'esté
Lés li serait obscurs de plain midi.
 
En amor a paor et hardement.
Cil dui sont troi et dou tierz sont li dui,
Et granz valors s'est a aus apendanz
Ou tuit li bien ont retrait et refui.
Por ce est amors li hospitaus d'autrui
 
Que nus n'i faut selonc son avenant.
Mès j'ai failli, dame qui valez tant,
En vostre ostel, si ne sai ou je sui.
 
Je n'i voi plus mes a lui me conmant,
Que toz penserz ai laissiez par cestui.
Ma bele joie ou ma mort i atent,
Ne sai lequel, desques devant li fui.
Ne me firent lors si oeil point d'anui,
Ainz me vindrent ferir si doucement
Dedens le cuer d'un amoreus talent,
Q'encor i est le cox que j'en reçui.
 
Li cox fu granz, il ne fet qu'enpirier;
Ne nus mirez ne m'en porroit saner
Se cele non qui le dart fist lancier,
Se de sa main me voloit adeser.
Bien en porroit le cop mortel oster
A tot le fust, dont j'ai tel desirrier;
Mès la pointe du fer n'en puet sachier,
Qu'ele brisa deudenz au cap douner.
[Dame. vers vos n'ai autre messagier
Par cui vos os mon eorage envoier
Fors ma chançon, se la volez chanter.
 
Submitted by SaintMark on Sun, 24/07/2016 - 09:14
Thanks!

 

 

Advertisement
Translations of "de fine amor"
Comments