✕
Letra original
2 traducciones
Letra de Granum Sinapis
In dem begin
hô uber sin
ist ie daz wort.
ô rîcher hort,
dâ ie begin begin gebar!
ô vader brust,
ûz der mit lust
daz wort ie vlôz!
doch hat der schôz
daz wort behalden, daz ist wâr.
Von zwên ein vlût,
der minnen glût,
der zweier bant,
den zwein bekant,
vlûzet der vil sûze geist
vil ebinglîch,
unscheidelîch.
dî drî sîn ein.
weiz du waz? nein.
iz weiz sich selber aller meist.
Der drîer strik
hat tîfen schrik,
den selben reif
nî sin begreif:
hîr ist ein tûfe sunder grunt.
schach unde mat
zît, formen, stat!
der wunder rink
ist ein gesprink,
gâr unbewegit stêt sîn punt.
Des puntez berk
stîg âne werk,
vorstentlichkeit!
der wek dich treit
in eine wûste wunderlîch,
dî breit, dî wît,
unmêzik lît.
dî wûste hat
noch zît noch stat,
ir wîse dî ist sunderlîch.
Daz wüste gût
nî vûz durch wût,
geschaffen sin
quam nî dâ hin:
us ist und weis doch nimant was.
us hî, us dâ,
us verre, us nâ,
us tîf, us hô,
us ist alsô,
daz us ist weder diz noch daz.
Us licht, us clâr,
us vinster gâr,
us unbenant,
us unbekant,
beginnes und ouch endes vrî,
us stille stât,
blôs âne wât.
wer weiz sîn hûs?
der gê her ûz
und sage uns, welich sîn forme sî.
Wirt als ein kint
wirt toup, wirt blint!
dîn selbes icht
mûz werden nicht,
al icht, al nicht trîb uber hôr!
lâ stat, lâ zît,
ouch bilde mît!
genk âne wek
den smalen stek,
sô kums du an der wûste spôr.
Ô sêle mîn
genk ûz, got în!
sink al mîn icht
in gotis nicht,
sink in dî grundelôze vlût!
vlî ich von dir,
du kumst zu mir.
vorlîs ich mich,
sô vind ich dich,
ô uberweselîches gût!
✕
| ¡Gracias! ❤ |  |  |
| 1 agradecimiento | ||
Publicada por 
Sciera el 2015-11-21
Sciera el 2015-11-21Editada por última vez por 
Miley_Lovato el 2018-06-07
Miley_Lovato el 2018-06-07Medieval Songs: 3 más populares
| 1. | Le Roi Louis |
| 2. | Chevalier, Mult Estes Guariz |
| 3. | Das Hildebrandslied |
Colecciones con "Granum Sinapis"
| 1. | Medieval Mystic Poetry |
| 2. | Creation Stories |
| 3. | In the Chambers of the Heart |
Comentarios
A poem or song text from the 13th century; famous due to a Latin comment on it which might be written by Meister Eckhart.
Text taken from Kurt Ruh (1989): Meister Eckhart, as found here: http://www.eckhart.de/index.htm?granum.htm