Russia is waging a disgraceful war on Ukraine. Stand With Ukraine!
Paroles de « Suòr Giüsipìna »
lombard
lombard
A
A
Suòr Giüsipìna
✕
Suòr Giüsipìna, che fai ste pulisiòcc
che stamatina i è vignìcc ché al convènt?
I è ché con ’n’auto de chèle blö
con scrìt sö niènt, ma i dis che sérca té,
entàt che té, suòr Giüsipìna,
co i tò scarpù postàcc en sö l’altàr,
ta sé tranquila, beàta, ta fömet el toscano;
che suòra che ta sé!
I pulisiòcc i dis che Giüsipìna
l’è Mario Manolesta, latitànt.
Ma pöl mia èsser, l’è sèmper issé tènera
co le sorèle, chèle piö zuene specialmènt.
Eh…!
Suòr Giüsipìna, i varda depertöt:
nela cantina, nei bagni e ’n söl solér,
en töcc i angoi, en di cantù,
sóta le scale, i sérca pròpe té.
Entàt che té, suòr Giüsipìna,
ta sé ’n cusìna, prima de salüdà
ta fé rüstì ’na salamina, ta biet ’na bira;
che suòra che ta sé!
Sé, l’è éra: la gh’à le ma ’n pó grande,
e ’n pó piluse, e con sö i tatuàggi,
e la sò us l’è sèmper en pó bassa,
e la se fà la barba ’n pó piö spès de töte le ótre suòre.
Sé.
Suòr Giüsipìna, animatrice
de le partide de brìscola ’n convènt,
i è dré che i sérca, i varda le tò carte,
nela tò cèla, i sérca pròpe té.
Entàt che té, suòr Giüsipìna,
ta làsset zó la tò vistina,
ta biöschet cóme la vaselina
da le sò ma; che suòra che ta sé!
Sentaróm mia piö chèl bèl roncà
rimbombà quando gh’è le orassiù,
e sentaróm mia piö chèl cling-clong-clang
de le butiglie de vinsanto da la sò cèla.
Suòr Giüsipìna.
Suòr Giüsipìna.
✕
| Merci ! ❤ |  |  |
Publié par 
Stefano8 Jeu, 21/10/2021 - 18:38
Stefano8 Jeu, 21/10/2021 - 18:38Commentaires
Music Tales
Read about music throughout history
Dialetto bresciano.
~~~
Ispirata a Sister Josephine di Jake Thackray.