✕
Paroles originales
4 traductions
paroles de Փողոցային Աղջիկ
Մաքուր ու պարզ այս աշխարհում
Մենք մաքուր չմնացինք,
Տե՛ս՝ ես դարձել եմ հարբեցող,
Իսկ դու՝ փողոցային աղջիկ:
Փողոցային աղջիկ, ի՛մ սեր,
Այս երգը քեզ եմ նվիրում,
Ինչպես անխախտ սիրո երդում,
Սա քեզ համար եմ ես երգում:
Երեկոյան այգում
Կհավաքվեն, կհավաքվեն զույգեր,
Նվագախումբը ծեր կնվագի վալսեր
Եվ կպարի աշնան թափվող տերևների հետ միասին:
Մենք վերջին անգամ
Կհեռանանք, կհեռանանք այգուց,
Աշնան հետ միասին մենք կթողնենք այգին,
Եվ մեր քայլերը կլսվեն
Հեռու ու խուլ նրբանցքներում:
Հեռու ու խուլ նրբանցքներում
Ես կորցրի քեզ, սիրելի՛ս,
Ես կորցրի աշնան այգին,
Եվ վալսը հին դարձավ հեռու հիշողություն:
Փողոցային աղջիկ, ի՛մ սեր,
Այս երգը քեզ եմ նվիրում,
Ինչպես անխախտ սիրո երդում,
Սա քեզ համար եմ ես երգում:
Երեկոյան այգում
Կհավաքվեն, կհավաքվեն զույգեր,
Նվագախումբը ծեր կնվագի վալսեր
Եվ կպարի աշնան թափվող տերևների հետ միասին:
Կուզենայի տեսնել քո դեմքը,
Տեսնել դեմքը քո նորից,
Մի անգամ էլ համբուրել քեզ
Ու հեռանալ այս աշխարհից:
Փողոցային աղջիկ, ի՛մ սեր,
Այս երգը քեզ եմ նվիրում,
Ինչպես անխախտ սիրո երդում,
Սա քեզ համար եմ ես երգում:
Երեկոյան այգում
Կհավաքվեն զույգեր,
Եվ նվագախումբը ծեր
Կնվագի վալսեր:
Alexander ListengortTraductions de « Փողոցային Աղջիկ ... »
Ruben Hakhverdyan: Top 3
| 1. | Մեր Սիրո Աշունը (Mer Siro Ashune) |
| 2. | Իմ փոքրիկ նավակ (Im Poqrik Navak) |
| 3. | Հին Ընկեր! (Hin Enker!) |
Commentaires