Gavaudan - A la pus longa nuech de l'an

Advertisements
Old Occitan
A A

A la pus longa nuech de l'an

A la pus longa nuech de l'an
et al menre jorn em vengug,
e·l solelhs, per que·l mons resplan,
esta, que no·s bayssa ni fug.
Pus lo fermamens s'estanca
e·l cors de la senha·s gira,
ben es dreitz que la partz ranca
bays son erguelh e l'estanc.
 
Ges non es dreita, ses engan;
ni ja us non creza ni cug
aver aital patz ses afan
que vas tan ric senhoriu lug;
ab pon frag, ab frevol planca
passa gaug que torn'az ira.
E vos, nescia gent blanca,
faretz vermelh so qu'es blanc.
 
Que·l ducx, coms, marques no reblan,
per cuy seretz mort e vencug.
Totz l'aurs no vos val un aglan
qu'avetz dat: non es desseubug
qui son cor enclau ni tanca.
Ab fals prezicx massa l'ira,
e fora·l mielhs fraysses l'anca,
selh qu'ie·us dic: mala·l vis anc.
 
Qual que·us parletz, ye·us dic e·us man
que mielhs fora tug fossetz mug.
Cavaliers, membre·us de Rotlan,
qu'ad auls monedas etz vendug.
Baissaretz d'aut banc en banca
pel coms en cuy pretz se mira;
denan l'erguelh s'empalanca
cossi·us torn en vostre banc.
 
Folhs es qui sa semens'espan
en loc don non espera frug;
e cujon passar galian
selh qu'an per Marcian'adug.
Totz lo mons no·l val ges blanca
qui·s part ni a rey res tira
de sa senhoria franca
ni fa sers silhs qu'eron franc.
 
No·n puesc mai, a Dieu me coman.
Selh qu'eron ja de pretz avug
enqueron cum pretz an bayssan,
qu'ar son per vilan mentaugug.
Crezatz, si tarda, no manca
pena a selhs que Dieus adira:
lay, cum selh que ca de planca,
cairan, el brac; no cug manc.
 
Ja Dieus no·m sal, s'ieu o planc.
 
SaintMarkSaintMark द्वारा बुध, 31/08/2016 - 10:42 को जमा किया गया
आख़िरी बार मंगल, 31/10/2017 - 10:20 को ltlt द्वारा संपादित
धन्यवाद!

 

Advertisements
Video
"A la pus longa nuech..." के अनुवाद
Gavaudan: टॉप 3
कमेन्ट