Gavaudan - L'autre dia, per un mati (song 2)

Advertisements
Old Occitan
A A

L'autre dia, per un mati (song 2)

L'autre dia, per un mati,
traspassava per un simelh
e vi dejos un albespi,
encontr'un prim rach de solelh,
una toza que·m ressemblet
sylh cuy ieu vezer solia;
e destolgui·m de la via
vas lieys: rizen me saludet.
 
Totz jauzions de mon rossi
dessendey jos sobre·l gravelh;
e pres me pel ponh, josta si
assec me a l'ombra d'un telh,
et anc novas no·m demandet.
No sai si me conoyssia;
ilh, oc — per que·us o mentria? —
que·ls huelhs e la cara·m baizet.
 
Per pauc de joy no m'endurmi
quan mi toqueron siey cabelh.
«Bella», fi·m yeu, «cum etz aissi?
Dombredieus crey m'o apparelh».
«Senher, oc, quar nos ajustet,
qu'alre no vuelh ni queria;
e, si·us platz, a mi plairia
so don hom pus me castiet».
 
«Amiga segon qu'ieu devi,
tort n'ey si ja mais m'en querelh!
Pus tan privada etz de mi,
dir vos ey mon privat cosselh:
amors m'a tout so que·m donet,
selha que mout m'abellia;
ar no sey vas on se sia,
per qu'anc res pueys no·m conortet».
 
«Senher, tan sey d'aquest lati,
per que la nuech cossir e velh:
anc pueys, pus de vos me parti,
li miey huelh no preyron sonelh;
mal o fey qui tan vos lonhet,
e res sos faitz non l'embria,
que la nostra companhia
estara mielhs qu'anc non estet».
 
«Amiga, per bon endesti
crey que·m det Dieus aquest parelh,
joy de cambra en pastori,
que m'es dous, don me meravelh.
Et anc mais tan be no·ns anet!
Vostra merce e la mia
yssit em d'autra baylia;
et amors en mi no·s pecquet».
 
«Senher, na Eva traspasset
los mandamens que tenia,
e qui de vos me castia
aitan se muza en bavet».
 
SaintMarkSaintMark द्वारा शनि, 27/08/2016 - 08:14 को जमा किया गया
आख़िरी बार मंगल, 31/10/2017 - 10:19 को ltlt द्वारा संपादित
धन्यवाद!

 

Advertisements
Video
कमेन्ट