Gavaudan - Lo mes e·l temps e l'an deparc

Advertisements
Old Occitan
A A

Lo mes e·l temps e l'an deparc

Lo mes e·l temps e l'an deparc
e nesci sen escamp e vèrc
et apres restaur e condérc
de novelh e bastisc ed orc
vers de sen, qu'autre non orga;
qu'ops m'es qu'amas e conderga
sen que no·s escamp ni·s verga,
que ja per autre no·s jongra
locx que non tem folhs deparca.
 
Proez'e Sen caussic e marc
e Malvestat aplan e 'stèrc;
e prendi Rainart per Domérc
e laissi Albuca per Dorc
e ydria per pauca dorca.
Per na Malafos Domerga
us no s'aplan ni s'esterga,
que de mal li fai tal jombra
qu'Engans lo caussic'e·l marca.
 
Vas motas partz mo sen esparc,
on trastot mon castier pèrc
que, s'ieu lauzan aus pretz ni dérc,
Malvestatz lo met bas e·l gorc
e·l sabota e l'engorga:
ja no vol que s'aus ni·s derga
ans quier qu'om joy e pretz perga,
per que tot lo mon encombra.
Sa nebla cug que s'esparca.
 
De gran prezon mon cor alarc,
per qu ieu m'esfors torn e revèrc
vas lo joy qu'ieu pus vuelh ni sérc:
no vol castel, ciutat, ni borc,
aquest joys, ni·l truc na Borga,
mas selh que tostemps lo serca
tal mal don pieitz li reverca.
Ben laissa clardat per ombra
selh que vas son dan s'alarca.
 
Tostemps ey paor que·ns embarc
la freoldatz qu'Adam cubèrc:
per cobezez'al punh s'edérc
que·l baisset tan qu'a penas sorc;
don vezem tart de mil sorga
us sols qu'a son mielh s'aderga.
No y a celat ni cuberca,
que Selh que·ns escriu e·ns nombra
tolh al cors don l'arm'embarca.
 
Per que·n portara major carc
selh que anc afan no sufèrc;
e ja no·s cug traspas ni bérc
qu'als pus ricx erguelhs non emborc.
Que mals ben cass'ez emborca,
per que la fes franh e berca.
Selh on degr'aver suferca
n'an tout so qu'autre·y apongra,
que·n portaran major carca.
 
Si tot m'en gar, a pauc no m'arc
el foc don natura·n mal mèrc,
qu'a penas hi truep layc ni clérc
que·l dreg cami non entreforc
on sens falh et entreforca;
greu ni vey laica ni clerca
tant o quant que mal no merca.
Folhs non a sen pus que bongra
qu' en yfern quier tostemps arca.
 
Grieu es castiatz per verga
ni crey s'a mala noverga,
mas siey gap revol e longra
tals morsels que pueis l'amarca.
 
Dieus sal lo comte e·l derga
que ses luy no vuelh Venerca
ni manjar congre ni congra,
rom ni passarc ni passarca.
 
SaintMarkSaintMark द्वारा बुध, 31/08/2016 - 10:40 को जमा किया गया
आख़िरी बार मंगल, 31/10/2017 - 10:19 को ltlt द्वारा संपादित
धन्यवाद!

 

Advertisements
Video
कमेन्ट