Címlap Címlap
Csatlakozz hozzánk
Oroszország gyalázatos háborút folytat Ukrajna ellen.     Állj ki Ukrajnával!
Hogyan támogathatod Ukrajnát 🇺🇦 ❤️
LT → Angol, Német, Ladino (Judeo-Spanish) → Moshé Liba → Yo Esto Reklamando!…
  • Moshé Liba

    Moshé Liba

    Yo Esto Reklamando!…

  • 1 translation
    Angol
✕
Ossza meg
Betűméret
Eredeti dalszöveg

Yo Esto Reklamando!… szöveg

Yo esto reklamando!
No, no esto akuzando
no so Emile Zola
yo, solamente esto reklamando.
Yo esto reklamando la memoria
de kuatroshentos mil,
ochosientos mil,
dinguno los konto
i ken savra,
ke fueron eksterminados ayi,
en akel lugar
de la otra parte del rio,
Transnistria es su nombre.
Yo esto reklamando la memoria
de los djudios romanos
ke fueron deportados ayi i ke no tornaron
los djudios de Besarabia, Bukovina,
de Moldavia, Ukraina,
los djudios ke fueron asasinados
por manos del los “Eisenzats Grupen”,
miembros de komandos de la muerte,
por manos de los soldados rumanos
i por manos de sus ayudantes
abitantes lokales, ke eran munchos.
Yo esto reklamando la memoria
de los bebes ke sus sangre vertida
kuvrio los pechos de sus madre
matados por el nazista endjuntos
kon una sola bala, ekonomiko;
la memoria de los djudios en los kazales
ke kavakaron kon sus propias manos
el foyo al kual kayeron
todos, tirados;
la memoria de tantos
enterrados bivos
kuviertos por los kazalinos
kon kal i tierra,en foyos komunes
tombas de ermanos.
Yo esto reklamando la memoria
de akeyos, de todos, i son munchos,
de los djudios ke fueron asasinados
i despues niegaron:
“En muestros lugares
no uvo Olokosto”,
ansina pretendieron las autoridades
sesenta anyos.
Yo, ke estava entonses
antes de la deportasion
la kuala kaji se realizo,
yo esto reklamando
de adjustar la memoria
de akeyos ermanos i ermanas
sienes de miles,
yo esto reklamando
de djuntarlos a los sesh millones,
i ansina puede ser,oy,
puede ser amanyana
no podran mas
niegar el Olokosto.
 

 

"Yo Esto Reklamando!…" fordításai
Angol
Moshé Liba: Top 3
1.Over the Waters
2.Der Geiger von Auschwitz
3.Il Violinista di Auschwitz
Hozzászólások
↑↓