✕
Traduzione
'A tròtta.
Dint’a nu rio trasparènte
allèra e tòsta natava
na truttarèlla ‘nnucente,
cha svérta svérta sguizzava.
Io me stévo ‘ncòpp’a spónna
penzaruso e me guardavo
‘o pésce che dint’a ll’ónna
fresca e chiara se sciasciava.
Nu piscatóre venètte,
‘vedètte sta bèlla tròtta,
vuttaje ll’ammo e nce ’o tenètte
vecino a éssa a una bòtta.
Nzì ca nun vène a ccessà
‘e ll’acqua sta trasparènza,
io penzaje, nun pò piscà
’a tròtta cu chélla lènza.
Ma nun vulètte tricà
‘chillu ‘nfamo e nun se stètte,
cummenciaje a ‘ntruvulià
ll’acqua e, ‘nfrómme ca putètte,
‘ncòppa abbiaje a tirà ‘a lènza
cu ‘o pésce ‘a ll’ammo acchiappato.
Nun c’è nisciuna cremènza
p’o piscetiéllo ‘mpacchiato.
| Grazie! ❤ |  |  |
| ringraziato 1 volta | ||
Pubblicato da 
Pietro Lignola 2022-08-16
Pietro Lignola 2022-08-16Ultima modifica Pietro Lignola 2022-08-19
Pietro Lignola 2022-08-19✕
Franz Schubert: 3 più popolari
| 1. | Ave Maria |
| 2. | Ständchen |
| 3. | An die Musik |
Idioms from "Die Forelle"
| 1. | A una bòtta. |
Commenti
Russia is waging a disgraceful war on Ukraine. Stai con l'Ucraina!
Chi è il traduttore
Potete utilizzare tutte le mie traduzioni purché citiate la fonte.