広告

Ivan the Terrible - Канун Ангелу грозному (Kanun Angelu Groznomu)

  • アーティスト: Ivan the Terrible ( Иван Грозный)
  • 翻訳: ロシア語
古代教会スラヴ語
A A

Канун Ангелу грозному (Kanun Angelu Groznomu)

Канун Ангелу грозному, и воеводе, и хранителю всѣх человъкъ, от вседержителя бога посланному по вся душа человъческая. ты же, человѣче, не забывай часа смертного: пой по вся дни канун сей. творение уродиваго Парфения
 
Прежде страшнаго и грознаго твоего, ангеле, пришествия умоли о мнѣ, грѣшнем, о рабѣ твоем, имярекъ. Возвести ми конец мой, да покаюся дѣл своих злыхъ, да отрину от себѣ бремя греховное. Далече ми с тобою путешествати, страшный и грозный ангеле, не устраши мене, маломощнаго. Дай ми, ангеле, смиренное свое пришествие и красное хождение, и велми ся тебѣ возрадую. Напои мя, ангеле, чашею спасения!
 
«Слава». Святый ангеле, да мя напоиши чашею спасения и весело теку вослѣд твоему хождению и молюся: не остави мене сира.
 
«И нынѣ». Рождешия ти царя вышним силамъ, Пресвятая Царица, ты бо еси милостива, можеши бо облехчити мое бремя грѣховное, тяшкое.
 
Пѣснь 3, ирмосѣ — «Нѣсте свята, якоже ты, Господи Боже».
 
Святый ангеле Христовъ, грозный воевода, помилуй мя, грѣшнаго раба своего, имярекъ. Егда приидет время твоего прихода, святый ангеле, по мене, грѣшнаго, имярекъ, разлучити мою душу от убогаго ми телеси, — и вниди с тихостию, да с радостию усрящу тя честно.
 
Молю ти ся, святый ангеле, яви ми свой свѣтлый зрак и весело возри на мя, окаяннаго, да не устрашит мене приход твой святый, да уготоваюся на срѣтение тебѣ честно.
 
«Слава». Святый ангеле, посланниче Божий, дажь ми, ангеле, час покаятися согрешении и отринути от себе бремя тяшкое. Далече ми тещи вослѣд тебе.
 
«И нынѣ». Святый ангеле, не имам иного развѣе тебе заступника скора. Помилуй грѣшнаго раба своего, имярекъ, и приведи душу мою ко Владычицы, та бо есть милостива отпущати грѣшнымъ согрѣшения.
 
Пѣснь 4, ирмос — «Христосъ мнѣ».
 
Молю ти ся, страшный и грозный посланниче вышняго Царя, воевода, — весело возриши на мя, окаяннаго, да не ужаснуся твоего зрака и весело с тобою путешествую.
 
Плачася и вопию, воевода Небесного Царя: грозно возхождение твое, да не вскоре разтлише мене, грѣшнаго, но весело и тихо напои мене смертною чашею.
 
«Слава». От сердца вопию ти, грозный воевода и воине Царя царствующимъ: нѣсть силнѣе тебя и крепчайши во брани, и умиленна в смерти, и пряма во исправлении. Исправи душу мою на путь вѣченъ.
«И нынѣ». Госпоже Богородице, Дево, рожшия Царя Небеснаго, смертоноснаго часа не минухся, избави душу раба своего, имярекъ, от сети ловящихъ.
 
Пѣснь 5, ирмос — «Божиимъ».
 
О сродници мои, егда видите мене, от вас разлучена, и зрак лица моего изменихся, и гробу предаюся, и ко Судии влеком буду, и молитеся о мнѣ святому ангелу, да ведет душу мою в мѣсто покойно.
 
О друзи мои любезнии, егда видите мене, от вас разлученна и земли предаема, помолитеся о мнѣ, грѣшнем, ко святому ангелу, да проводит душу мою вся двадесят мытарствъ и измет от всѣх погибелей.
 
«Слава». Людие Божии благочестнии и вся племена земъстии, егда видите смертоносное тѣло, на земли повержено и вонею объяся, помолитеся ко ангелу смертоносному о мнѣ, да ведет душу мою в тихое пристанище невлаемо.
 
«И нынѣ». Пресвятая Дево Богородице, Владычице, ты вѣси немощь земных человѣкъ: вскоре разоряетца естество плоти нашей, — ты, Госпоже, буди нам заступница.
Пѣснь 6, ирмос — «Житейскаго».
 
От Бога посланнаго и страшнаго воина царемъ, и княземъ, и архиерѣемъ, и всѣмъ людем великое изменение от суетнаго вѣка сего, в напастех пребывающих и в скорбѣхъ тружающихъ сущи вѣрныхъ.
 
«Слава» 2. Святый ангеле, от всѣхъ насъ, на земли живущих, дань свою приимеши, от Бога повелѣнную ти, егда приидеши и приимеши душу мою, и неси ю в сокровище свѣта.
«Слава» 1. Святый ангеле, грозный посланниче, и мене избави от суетнаго жилища сего.
«И нынѣ». О Царице Владычице, сирымъ питателница и обидимымъ помощница, болным надѣяние и всѣмъ грѣшнымъ оцыщение, и мнѣ, грѣшному, имярекъ, буди ми помощница и помилуй мя.
 
Кондак. Глас 5.
 
Небеснаго Царя воевода и предстатель престолу Божию и сотворитель воли Господни и совершитель заповедей его, не лишиши ся славы велѣлепныя и прославишися, скоро пленяеши и не замедлиши николиже. Всюду готовъ стоиши и храбруеши, и зла не убоишися, ни стара отриеши, ни млада отступиши. Вся имеши и ведеши в мѣсто покойно. И мене помилуй, грѣшнаго и окаяннаго, имярекъ, да поемъ ти аллилуйя.
 
Пѣснь 7, ирмос — «Хладодавиц».
 
Великий, мудрый хитрец, никтоже может твоея хитрости разумѣти, дабы скрылся от твоея нещадости. Святый ангеле, умилися о мнѣ, грѣшнемъ и окаяннемъ.
Мудрый ангеле и свѣтлый, просвети ми мрачную мою душу своим свѣтлымъ пришествиемъ, да во свѣтѣ теку вослѣдъ тебѣ.
 
«Слава». Святый ангеле, радуюся душею и трепещу рукою и показуя людем час разлучения души моей грѣшней от убогаго ми телеси. Святый анъгеле, помолися о мнѣ, грѣшнем.
 
«И нынѣ». Пресвятая Богородице, Владычице, помилуй грѣшнаго в час разлучения. Святый ангеле, страшный посланниче, изми душу мою от сѣти ловящих.
 
Пѣснь 8, ирмос — «Ис пламени».
Царю Небесному слава нетлѣнному и непроходимая, сотворшему чины ангелския, такова страшна и грозна смертоносна ангела. Хвалите, пойте и превозносите его во вѣки.
Царя Небеснаго слуга и предстатель престолу Божию, святый ангеле, смерть принося намъ, измени нас добротою здания твоего и приведи нас к свѣту свѣтлейшему Судии. Хвалите, пойте и превозносите его во вѣки.
 
«Слава». Царю Небесному, Богу нашему угождаеши, славы не отпадаеши, и заповеди его не преступаеши, и волю его твориши, и в любви пребываеши. Ангела тя свята хвалим, поемъ и превозносимъ его во вѣки.
 
«И нынѣ». Царице, Владычице, рожшия и вышнимъ силамъ и земнымъ Бога и Господа, Спасителя от находящих ны бѣд, молися Богу, да помилует ны в день судный. Господа пойте и превозносите его во вѣки.
 
Пѣснь 9, ирмос — «Бога человѣкомъ».
 
Осквернивше душу злыми похотми и теплыми слезами не омывше и милостынею не очистивше, страшнаго ангела посланника не поминающе, мы же тя, ангеле, по достоянию величаемъ.
 
Бога намъ повѣдаеши, святый ангеле, и душу мою окаянную ис тѣла изимаеши, и плоть разтлиши и гробу предаеши, молим ти ся, святый ангеле, изми душу мою от сети ловящихъ. Тя величаемъ.
 
«Слава». От Бога посланному, всѣхъ ангелъ пристрашен еси, святый ангеле, не устраши мою душу убогую, наполнену злосмрадия, и очисти, и престави ю престолу Божию непорочну. Тя величаемъ.
 
«И нынѣ». О Божия Мати Пречистая, вся спасаеши и милуеши, такожде помилуй мене, грѣшнаго и злосмраднаго, в час разлучения. И в муку посланному, тогда же ми помози, от огня изхити мя и от муки избави мя. Тя величаем.
 
Таже «Достойно есть», яко и «Тресвятае», и по «Отче нашъ» трапарь, глас 5.
 
Небесных сил избраннаго воеводу, от Бога посланнаго мудраго оружника и грознаго полченина и победителя вражиимъ силам, святого ангела, поюще, хвалимъ. Смертию нас назираетъ, и от суеты мира избавляетъ, и на суд праведны ко Христу представляетъ, и от вѣчных мукъ избавляетъ.
 
«Слава», «И нынѣ», Богородичен.
 
Упование наше, Богородице, крѣпкая помощнице скорбящимъ, и от смерти изимаеши и от муки избавляеши, комуждо по достоянию благодать даеши.
Таже и отпустъ: «Чеснѣйшу херувим», «Слава», «И нынѣ», «Господи, помилуй» 2-жды, «Господи, благослови».
Конецъ всѣмъ благим. Слава свершителю Богу. Аминь.
 
木, 20/06/2019 - 12:10にAlexander FreiAlexander Freiさんによって投稿されました。
金, 21/06/2019 - 14:37にsandringsandringさんによって最終編集されました。
投稿者コメント:

Канон — особая группа богослужебных песнопений, входящих в состав утрени и связанных в одно целое единством предмета. Полный канон состоит из девяти песен, причем вторая песнь поется только в канонах Великого поста. В полных канонах каждая песнь имеет свой особый предмет, заимствованный из ветхозаветных песен.
 «Царю Небесный» — одна из утренних молитв.
 ...«Трисвятое» и no «Отче наш»... — Указание на необходимость прочесть ряд кратких молитв, начиная с Трисвятой песни и кончая Господней («Отче наш»).
«Слава» — песнь «Слава Отцу и Сыну и Святому Духу».
«И ныне» — «И ныне и присно и во веки веков».
Ирмос — первый тропарь в ряду других тропарей, входящих в одну песнь канона; он служит образцом для составления прочих. Здесь после слова «ирмос» приводятся его первые слова.
...двадесят мытарствъ... — Апокрифическое представление об истязании души по разлучении с телом прежде суда Божия, производимое в воздушном пространстве злыми духами.
Кондак — краткая песнь в похвалу святого или праздника.
...Богородичен. — Песнопение в честь Богородицы.
 Отпуст — благословение, которое произносит священник по окончании службы при отпуске молящихся из храма.
..«Честнейшую херувим»... — Начальные слова стиха в честь Богородицы.

ありがとう!1回ありがとうと言われました

 

広告
ビデオ
"Канун Ангелу ..."の翻訳
コメント