Russia is waging a disgraceful war on Ukraine.     Stand With Ukraine!

'A cartulina 'e Napuleの歌詞

ナポリ語
ナポリ語
A A

'A cartulina 'e Napule

Mm'è arrivata stammatina,
'Na cartulina:
E' 'na veduta 'e Napule
Che mm'ha mannato mammema.
 
Se vede tutt' 'o Vommero,
Se vede Margellina,
'Nu poco 'e cielo 'e Napule.
Che bella cartulina!
 
Napule,
Aggio scritto pe' tte chesta canzona
E p' 'o ricordo 'e mammema
Aggio chiagnuto llacreme 'e passione.
 
E se vede pure 'o mare
Cu Marecheare.
Mme parla cchiù 'e 'na lettera
'Sta cartulina 'e Napule.
 
Che gioja, stu Pusillico,
'Sta villa quant'è fina!
Comm'è bello 'o Vesuvio
Nfaccia a 'sta cartulina!
 
Napule,
Aggio scritto pe' tte chesta canzona
E p' 'o ricordo 'e mammema
Aggio chiagnuto llacreme 'e passione.
 
"Comme tu può stà felice -
Mamma mme dice -
Luntano tanto 'a Napule,
Luntano tanto 'a mammeta?"
 
Esoffro mille spaseme,
'Ncore tengo 'na spina
Quanno cunfronto 'America
Cu chesta cartulina.
 
Napule,
Aggio scritto pe' tte chesta canzona
E p' 'o ricordo 'e mammema
Aggio chiagnuto llacreme 'e passione.
 
ありがとう!
2017-09-28にTrofin MarianaTrofin Marianaさんによって投稿されました。
2017-10-01にTrofin MarianaTrofin Marianaさんによって最終編集されました。

 

コメント
Read about music throughout history