Киитн булгин уснднь
Киилгән уһаһад суулав
Киилгән уһаһад суув чигн
Килмжтә ээжм сангдна,
Киилгән уһаһад суув чигн*
Килмжтә ээжм сангдна.
Буруһан хяхясн эрг деернь
Бурһсн моднь няяхлня
Бурһсн моднь няяхл чигн
Буймж та ээжм сангдна,
Бурһсн моднь няяхл чигн*
Буймж та ээжм сангдна.
Һашун худгин уснаснь
Һаран уһаһад суулав
Һаран уһаһад суулхнь
Һараһсн ээжм сангдна,
Һаран уһаһад суулхнь*
Һараһсн ээжм сангдна.
**************************
Ээжин уйсн сатин киилг
Эләд угала шинәрн
Эн һазрин усн өвсн
Хүврәд угала көкәрн,
Эн һазрин усн өвсн
Хүврәд угала көкәрн.
Нарн һарх үзгәс
Намчта торһн кииснә
Нарн болсн ээжмнь
Насна туршар сангдна,
Нарн болсн ээжмнь
Насна туршар сангдна.
This is the complete lyrics to the song. Due to throat singing it has been shortened.
The lines that repeat with an asterisks (*) on the end are not repeated in this version.
The lyrics to this YouTube version are above the ****************line.