✕
Originele teksten
1 vertaling
Riches d'amour songtekst
Riches d'amour et mandians d'amie,
Povres d'espoir et garnis de desir,
Pleins de dolour et disiteux j'aÿe,
Loing de merci, famileux de mesir,
Nulz de tout ce qui me puet resjoïr
Sui pour amer et de mort en paour,
Quant ma dame me het et je l'aour.
N'il n'est confors de ma grief maladie
Qui me puist de nulle part venir,
Car une amour s'est en mon cuer nourrie
Dont je ne puis jouir ne repentir
Ne vivre lié ne mourir ne garir
Ne bien avoir fors languir à dolour,
Quant ma dame ne het et je l'aour.
Mais li voloir de si douce anemie
Vueil humblement et liement souffrir,
Car grant honnour m'est par li ottroïe
Contre son gré, quant je l'aim et desir.
Et s'Amour vuet que je doie fenir
Pour li amer, ce sera mon meillour,
Quant ma dame ne het et je l'aour.
SaintMarkVertalingen van "Riches d'amour"
Guillaume de Machaut: Top 3
| 1. | Douce Dame Jolie |
| 2. | Je vivroie liement |
| 3. | La Messe de Nostre Dame |
Wil je alsjeblieft "Riches d'amour" vertalen?
Gegeven reacties