Home Home
Doe met ons mee
Russia is waging a disgraceful war on Ukraine.     Sta achter Oekraïne!
Hoe u Oekraïne kunt steunen 🇺🇦 ❤️
LT → Napolitaans → Ferdinando Russo → 'O surdato 'e Gaeta → Italiaans
  • Ferdinando Russo

    Ferdinando Russo

    'O surdato 'e Gaeta → Italiaans vertaling

✕
Deel
Lettertypegrootte
Originele teksten
Swap languages

'O surdato 'e Gaeta

Comme stongo ccà dinto? E che ne saccio!
Nce sto pe ccarità, signore mio!
Miezo cecato... me manca nu vraccio...
Nun mporta! Tutto p' 'o vulere 'e Ddio!
Comme me chiammo? Michele Migliaccio
fu Giesummino e fu Carmela Pio.
Cinco campagne. Nativo di Meta.
Dicorato alla presa di Gaeta!
II.
Mo'... so' pezzente dello Spizzio! Tanno,
tenevo a Meta na massariella.
Scampuliavo, ncapo e npede l'anno,
e' 'o ggranone, 'o purciello e 'a vaccarella.
Campavamo na vita senza affanno,
ma, doppo muorte tata e 'a vicchiarella,
me sentette talmente abbandunato
ca pigliaie e me ne jette a fa' 'o suldato...
III.
Era l'epoca bona 'e l'abbundanza
sott' 'o Burbone... Che dicite?... No?...
E ve ngannate l'anema! Ogne panza,
senza 'a vacantaria che nce sta mo!
O piso jeva justo, cu 'a valanza!
Parola mia!... Crediteme, signò,
pa si nun fosse stato 'o tradimente
io nun starria ccà dinto a fa' 'o pezzente...
IV.
Comme dicite? Mo, a sittantott'anne,
vicino a fossa addo' me chiamma 'a Morte,
io me ngannasse l'anema? Sti panne
ca porto ncuollo, so' vriogna5 forte!
'A sola e vera causa 'e tutt' 'e nganne,
de tutte 'e patimente, 'e tutt' 'e tuorte,
fuie 'o cuntegno 'e cierti tale e quale
ca nce chiammàino frate! 'E liberale!
V.
'O bbedite? Redite n'ata vota!
E tuttuquante rideno, ccà dinto!...
Ma si 'a furtuna arriva a cagna rota,
sa' quante faciarranno 'o musso astrinto?
Dio sulo, ncielo, n'ha pigliato nota,
de chello eh'è succiesso! E n'è cunvinto!
Stu vraccio e'aggio perzo, chisto ccà,
nun l'ha cercata mai, 'a carità.
VI.
Stu vraccio fui distrutto 'a na granata,
e l'aggio perzo p' 'o paese mio!
Francischiello, a Gaeta, l'ha guardata
nfì a dint' all'uocchie, 'a Morte, nnanz'a Dio!
L'avimmo canasciuta, 'a cannunata!
Ma doppo? 'o ttuio è chesto? E m' 'o ppigl'io!
L'avimmo dato 'o sango 'a Patria bella,
e 'a Patria stenta a darce na panella!
VII.
Ch'è? Nun redite cchiù?... Storia vivente,
io m'arricordo tutta 'a funzione!
Maria Sufia, 'o Rre, striile, lamiente,
'a famma, 'o tifo, 'e mbomme a battaglione,
'a forza 'e core 'e chilli reggimente,
'a lampa nnanz' 'a vocca d' 'o cannone,
case cadute, cchiesie sgarrupate7,
e Francischiello nzieme cu 'e suldate!
VIII.
Ch'era succiesso? S'era apierto 'o nfierno?
«Mai sta, ccà ne'è pericolo!...» - «Nun mporta! »
Isso, 'a Riggina, 'e Principe, unu pierno!
E 'o pericolo sempe, arreto 'a porta!
Nun murive stasera? Era nu tierno!
Senza rancio? E che fa! Fuma e supporta!
P' 'o buono esempio, manco 'o Rre, ha magnato!...
Tu si napulitano e si' suldato!
IX.
Ch'è stu fracasso, pe ttramente viglie
cu ll'uocchie 'e pazzo 'a reto 'a saittera?
Striile, suone 'e trummette, parapiglie...
È scuppiata n'ata pulveriera!...
Correno, leste, cinco se' squatriglie:
«Tradimento, Maistà!...». Propio chell'era!
N'ato fracasso?... Cade nu castiello!...
Ferite, muorte, 'ncèndie... Nu maciello!
X.
Chest'è Gaeta! Tuttuquante, tutte,
napulitane e svizzere, p' 'o Rre!
E mmiezo a nui na rètena 'e frabbutte
ca tradevano 'a Patria! E attocca a me
de cacciarve da 'e fatte sti custrutte,
pecchè Gaeta, mio signò, chest'è!
Resistenza p' 'o core d' 'e suldate,
tradimento d' 'e cchiù beneficate!
XI.
Era o mese 'e Dicembre d' 'o Sissanta...
Faceva friddo peggio 'e na Siberia!
Io stevo arravugliato int'a na manta,
a 'e ttre d' 'a notte, (mannaggia 'a miseria!)
quanno me veco cammenà pe nnanta
n'ombra ca s'avvicina seria seria...
«Chi va là?...» - «Bravo! Io veglio comm'a te!»
Me venette nu triemmolo! Era 'o Rre.
XII.
Era 'o Rre nuosto! Francischiello nuosto,
ca maie s'è alluntanato 'a coppa 'e mmura!
Nce aveva fatto 'o callo e 'o core tuosto,
e nun sapeva che vo' di' paura!
Signò, sentite 'o servitore vuosto!
Nun ce vuleva, chella jettatura!
O chiammàvano scemo e Lasagnone,
ma annascunneva 'o core 'e nu lione!
XIII.
E 'a Riggina! Signò!... Quant'era bella!
E che core teneva! E che maniere!
Mo na bona parola 'a sentinella,
mo na strignuta 'e mana a l'artigliere...
Steva sempe cu nui!... Muntava nsella
currenno e ncuraggianno, juorne e sere,
mo ccà, mo Uà... V 'o ggiuro nnanz' 'e sante!
Nn'èramo nnammurate tuttuquante!
XIV.
Cu chillo cappellino 'a cacciatora,
vui qua' Riggina! Chella era na Fata!
E t'era buonaùrio e t'era sora,
quanno cchiù scassiava 'a cannunata!...
Era capace 'e se ferma pe n'ora,
e dispenzava buglie 'e ciucculata...
Ire ferito? E t'asciuttava 'a faccia...
Cadive muorto? Te teneva mbraccia...
XV.
'E ppalle le fiscavano pe nnanza,
ma che ssa'... le parevano cunfiette!
Teneva nu curaggio e na baldanza,
ca uno le zumpava 'o core 'a piette!
Te purtava 'e ferite all'ambulanza
steva sempe presente a capo 'e liette...
E tutte, chi 'a chiammava e chi mure va,
'a stevano a guarda cu ll'uocchie 'e freva...
XVI.
Muri p'Essa! Era 'o suonno 'e tuttuquante!
Desidera nu vaso nfronte 'a chella,
segnifecava: «Mettimmoce nnante
pefa na morte ca se chiamma bella!».
Npietto, p'avé n'aucchiata 'a sta Rignante,
te faci ve arapì na furnacella!...
Propio accussì, signore mio!... Vedite?...
V 'o sto cuntanno e chiagno... e vui redite...!
XVII.
No!... Nun me piglio collera!... Se sape!...
Vuie site troppo giovane...! Nun mporta!...
Ma, 'a tanno a mo!... se so' mbrugliate 'e ccape!...
V'hanno mparato a ghì p' 'a strata storta!...
'E piamuntise? Chille erano crape!...
Ma l'avetteno nzuonno, 'a bona sciorta!
E a Calibbardo ca metteva 'e gghionte
ched'è? nun 'o sparàino, a Naspramonte?!
XVIII.
Gnorsì, songo nu povero pezzente!
So' nu povero viecchio rimbambito...
Me diceno ca nun capisco niente!
Me chiammano burbonico e patito...!
Ma chille v'hanno fatto 'o tradimente
quanno v'hanno ammentato 'o Prebbiscito!...
Chella è stata na tenta carmusina,
sta Libbertà vestuta 'a culumbrina!
XIX.
Perciò, turnammo a nui, ch'è meglio assaie!
Avite che sentì! So' rose e sciure!
Ma 'a vera storia nun s'è scritta maie,
e se so' pigliat'asse pe figure!
Vulesse scriver'io, tutte sti guaie!
V 'e subbissasse, a sti repassature!
Che d'è?... p' 'a risa ve vene 'o selluzzo?...
Ma 'a Verità cadette nfunn' 'o puzzo!
XX.
Sulo loro, hanno fatto 'e guapparie!
Sultanto 'e libberale!... E basta ccà!
So' ghiute nnanze, v'hanno aperte 'e vvie!...
Gente 'e curaggio e generusità!...
Ma 'o Rre, 'a Riggina, 'ncopp' 'e battarie,
nisciuno maie l'ha viste arresecà?
Nisciuno ha ntiso, appriesso a Francischiello,
chella Marcia Riale 'e Paisiello?!...
XXI.
Già stevamo 'a nu mese resistenno,
e 'o primmo traditore jette bello!
Io, pe l'arraggia, ancora sto chiagnenno!
Passai, arme e bagaglie, 'o culunnello!
Cialdino, lusinganno e prumettenno,
s'aveva cumbinato a Pianello!
E chist'amico, stu galantuome,
se cunzignai cu tutt' 'o battaglione!
XXII.
Embè, dico accussì, chesto sta bene?
Quann'uno da parola 'e fedeltà,
si tene tanto 'e sango, dint' 'e vvene,
p' 'o Rre, p' 'a Patria, s'ha da fa scanna!
Ma no! Se ne luvaie 'a dint' 'e ppene!
Avette 'e llire pe puté sciala,
e vutai fuoglio! Da che munno è munno,
chi nasce quatro nun po' muri tunno!
XXIII
Crediteme, signò, ca chest'è 'a storia!
pe quant'è certo 'o juorno d'ogge! È chesta!
'A tengo ribbazzata int' 'a memoria,
dint' 'o penziero fisso ca me resta!
Chello ca primma era cafè, è cecoria!
e se n'è fatta na mala menesta!
V'hanno ngannato! E 'o ditto dice buone:
Vieste Ceccone ca pare barone!
XXXIV.
V'hanno vestuta 'a Verità sincera
comm'a na mascarella ferrarese!
Ma chella, 'a Storia overamente overa,
'a sanno tutt' 'e pprete d' 'o paese!
Ve l'hanno scritta de n'ata manèra,
e Francischiello n'ha pavato 'e spese!
Nfamità, nfamità, signore mio!
Nfamità grosse, sott'all'uocchie 'e Dio!
XXV.
Tre mise e miezo 'e patimente cane,
e a tridece 'e frevaro Sissantune
capitulaimo nfra 'e sbattute 'e mane
d' 'e libberale fauze e scavuzune!
Belli fratielle! Belli crestiane!
Belli ppagnotte! Belli carugnune!
Vi' che vittoria! E che cuscienzia! E c'arte!
Quanta Napuliune Bonaparte!
XXVI.
Tutte, cu 'e piette nnanza, àute e ntufate,
salvaino 'a Patria, e 'a Libbertà venette.
'E cammurriste fuino accarezzate,
e mariuncielle avetteno 'e cunfiette...
E nui, maltrattate e suspettate,
cu 'annore nfaccia e cu 'e fferite mpiette, n
ui suppurtaimo, nfra delure e schiante,
'e malefiggie nire 'e tuttuquante!
XXVII.
Francischiello cadette! Abbandunaie
'o Regno e se mettette a viaggia!
Chi fuie beneficato 'o ngiuriaie,
ma ll'uocchie le lucevano 'e buntà!
Era nu patre! Nun s'è visto maie
n'esempio meglio, 'e core e carità!
Perciò murette all'estero! E cu isso
e muorto n'ato Cristo crucefisso!
XXVIII.
N'ato Cristo, gnorsì! Cu 'a spogna 'e fele,
'e vase fàuze, 'e spine, e tutt' 'o riesto!
Se credeva ca Tizio era fedele?
E chillo 'o mpapucchiava lesto lesto...
Vulevano a Vittoriamanuele
e perciò 'e nfame s' 'o spicciaino priesto...
Quanno nisciuno amico 'o succurreva,
Isso, sulo, a Gaeta, resisteva!
XXIX.
E resiste ogge, resiste dimane,
e resiste e resiste, finalmente,
comme vuò fa'? Viscere 'e crestiane
nun sanno tullerà sventure e stiente!
Primma 'e nce fa tratta peggio d' 'e cane,
primma 'e nce fa muri mmiezo 'e turmiente,
isso dicette: - «No! Basta! Fennimmo!
Sarraggio Rre, ma ve so' patre, apprimmo!».
XXX
Diciteme vuie mo: quanta rignante
penzano cu stu core e cu st'ammore?
Annummenatemmille tuttuquante,
e po' vedimmo chi ha tenuto core!
Ma che! Rignante vene a di' birbante,
quanno, vedenno ca 'o paese more,
l'ajuta a ben muri na vota e bona,
sultanto pe nun perdere 'a curona!...
XXXI.
L'ha fatto, chesto, Francischiello?... Maie!
Dicette: - «Preferisco 'e ve salva!».
'E ggenerale attuorno se chiammaie
e Ile spiegai che Ile restava 'a fa' !
_ «Voglio luvà 'e suldate 'a miez' 'e guaie!
'E trattative voglio accummincià!...
Jate a cerca na tregua, ncopp' 'a botta!
Stàteme a sentì a me, luvammo 'a sotta!»
XXXII.
E comme?! Accumminciammo 'e trattative,
e tu, Cialdine, nun suspienne 'o ffuoco?
Nce vulive adderitto atterrà vive,
ca te spassave a seguita stu juoco?!
'E ggranate, (pe sfreggio, pe currive,
pe nfamità? che saccio!?) mai nu poco
cessaino 'e smantella sta chiazzaforte,
dinto Gaeta semmenanno 'a morte!
XXXIII.
Ma che v'ha fatto, Dio ca le lanzate,
tutte sti mbomme ncopp' 'a casa soia?!
'E spitale, stracarreche 'e malate,
so' state causa 'e pruvucà sta foia!?
Nce avite assassenate e massacrate
'a coppa e 'a sotta, cu nu core 'e boja,
e nun v'abbasta? Jate asciammo 'o rieste
-quann'uno ha ditto cunzummatummeste?!
XXXIV.
Tenite ancore sete 'e stragge? Ancora?!
E nun ve ne metti te ancora scuorno?!
Sempe granate e mbomme ' a dinto e ' a fora
da mezanotte a quanno schiara juorno?
Animale feruce d' 'a Mmalora!
E nce cannuniàino tuorno tuorno,
cu tutt'arraggia d' 'a vigliaccaria,
pe fa' sapé a Cavurro 'a guapparìa!
XXXV.
Che cchiù ve pozzo dicere?... Che ssaccio?
L'urdemo juorno 'o tengo scritto 'ncore,
pecchè fui tanno ca perdette 'o vraccio!
Ma ciento vracce guadagnai d'annore!
Po'... nce passaino tutte pe setaccio!
Venette 'a Libbertà, caro signore!
Ne cacciai ritto nfatto 'o tempurale,
e... ascette 'o Sole custituzzionale!
XXXVI.
E sceruppatevillo cu 'a salute!
Ov"o vulite fa' ndurato e fritto?
Rispunnisteve sì? Ch'avite avute?
V 'o vvulite annià?... M'aggia sta' zitto?
'E ttasse chi l'aveva canusciute?
Facitelo pe Cristo beneditto!
Nun me facite jastemmà cchiù forte
tutt' 'o sango d' 'a razza 'e chi v'è mmuorte!
XXXVII.
Scusateme... scusateme... 'O bbedite?...
Chest'è quanno te saglie 'o sango ncapa!
So' nu gnurante... vuie perciò redite...
Ma là nce avette colpa pure 'o Papa!
Site, vicario 'e Cristo, o nun ce site?
E chillo generale Mezacapa?!
Manco ne sape niente! E d'Agustino?
E 'o Rre, a sti sierpe, s' 'e scarfava nzino!
XXXVIII.
Nu Nazzareno e ciento Scariote!
Nu core d'ommo e ciente core 'e cane!
E l'avvisaino cientumilia vote
pure 'o Conte 'e Caserta e 'o Conte 'e Trane!
Niente! Nun ne vuleva piglia note!
Ma finalmente, po', 'a tuccai cu 'e mmane,
'a Verità, redotta na petaccia,
quanno a Gaeta l'avutaino 'a faccia!
XXXIX.
Ll'articolo quattuordece, diceva,
dint' 'a Cummenzione, ca 'e suldate,
(ognuno 'e nui!) 'a case se ne jeva
cu tanto 'o juorno, struppie o mutilate...
Chi prumetteva se cumprumetteva!
Ma tuttuquante fuimo abbandunate!
Nisciuno avette nu cuppino 'e pasta!!
Prumetteva Cialdino! E tanto basta!
XL.
Chisto Cialdino teneva nu core
ca nun ghieva, signò, manco tre calle!
Sapeva sulo fa' 'o bummardatore
ncoppa Gaeta, cu granate e palle!
E se vedette, (m' 'o rricordo ancora!)
stu core suio, cu 'o fatto d' 'e cavalle!
Fatto succiesso, ma succiesso overe!
Fatto, ca, si se conta, nun se crere!
XLI.
Dinto Gaeta se suffreva 'a famma,
e fernette 'o furaggio all'animale!
O figlio sparpetava mpietto 'a mamma;
mancava l'uoglio, 'o vino, 'o ppane, 'o ssale..
Accumminciava a murmurà, 'a mmazzamma,
buttizzata da quacche libberale,
e poche juorne doppo 'o Primmo 'e l'anno
'o popolo se steva arrevutanno!
XLII.
'E cavalle diune e affamate,
jevano comm'a pazze, 'a sotto e 'a coppa!
Apprimma già s'avevano magnate
'e saccune cu 'e sbreglie, 'e seggie 'e stoppa...
Po' truvaimo carrette rusecate,
albere, porte, mure... E a chioppa a chioppa38
se sbranavano peggio d' 'e Rune,
quanno nun muzzecavano 'e guagliune.
XLIII.
Passavano, 'e cavalle, comra' ‘o viente!
Nun te devano 'o riempo 'e chiammà ajuto!
Passanno, t'azzannavano!... E che diente!
Ogne muorzo facea nu fuosso futo!
Mmagenàteve vui, mo, sti spaviente,
ogne mumento, ogn'ora, ogne minuto...
Tenive appena 'o riempo 'e te fa 'a rassa...
«Sarva! Sarva!... 'E cavalle!» E 'a chiorma passa.
XLIV.
Embè... quanno dicettemo a Cialdine
Pigliataville, datele a magna,
v' 'e rrialammo, so' animale fine,
ponno servì cchiù a vui ca dinto ccà;
sa' comme rispunnette stu Cialdine?
Rispunnette: Nun aggio che ne fa!...
Stanno buone addò stanno! So affamate?
Sbranateve nfra vui, l'une cu ll'ate!...
XLV.
Sia beneditto Giesù Cristo 'ncroce!
nce ha casticate a nui, chi sa pecchè!
Erano prete, e scamazzàino 'a noce,
pe fa l'Italia e scamettà nu Rre!
E se sapeva! 'O franfellicco è doce,
e tu che vuò? ca t' 'o cunzegno a tte?!
Venette 'o riempo, avetteno 'a furtuna,
e 'o franfellicco fui l'Italia Una.
XLVI.
Mo, d' 'e cumpagne miei, caro signore,
cierte so' muorte 'e famma, ma ciert'ate,
uno è cucchiere, n'auto è scupatore,
n'ato venne puntette 'e scurriate!
Io, po' ccà dinto, so' nu mperatore,
caro signore mio! Nce pazziate?
Loro stesse m' 'o ddiceno!... - «Te lagne'?
Ringrazia a Dio, ca duorme, vive e magne!...»
XLVII.
Embè... Gnorsì! Magnammo e po' vevimmo
nfi' a che nce sta lucigno a la lucerna!
Lassa fa' a Dio, ca doppo ne' 'e vvedimmo,
sti ffacce noste! Dint' 'a vita eterna!
Sa' quanta belli smorfie nce facimmo?
Tanno, signò, voglio piglia 'a quaterna!
Quanto le dico justo doi parole!
Quanto 'e cchiammo fetiente e mariuole!
XLVIII.
Mo... passo 'e juorne a ricurdarme 'e fatte
de chilli quatto mise maleditte,
e veco 'e mbomme ncopp' 'e ccasematte,
e sento 'e chiante 'e tanta ggente afflitte!...
Sa' quant'è40 lloro se so' fatte chiatte?
Che ne parlammo a fa'? Stàmmoce zitte!
Ma, sempe ca m'avota 'o cerviello,
io me vaso 'a meraglia 'e Francischiello!
XLIX.
A tengo comm'a na reliquia santa,
Pecche me l'aggio mmeretata overe!
A porto ncopp' 'o core da 'o Sissanta!
So' cinquantasej' arine! E pare ajere!
P'essa darrìa sta vita tuttaquanta!
Sott' 'o cuscino 'a stipo tutt' 'e ssere,
e quanno murarraggio, dint' 'a fossa
l'hanno 'a fa' sta'! Vicino a sti quatt'ossa!
L.
Mo sta ccà, sott' 'a giubba... Che dicite?
Pecchè me l'annasconno?... Embè... signò!..
Nun me songo spiegato?... Nun capite?...
Site giovane e struito, mo nce vo'...!
Io me l'aggio abbuscata p' 'e fferite,
p' 'o vraccio muzzo!... E na relliquia o no?
E 'a putesse purtà, sta gloria mia,
ncopp' 'a livrera d' 'a Pezzentaria?
 
Vertaling

Il soldato di Gaeta

Com'è che sto qua dentro? E che ne so!
Ci sto per carità, signore mio!
Mezzo accecato... un braccio non ce l'ho...
Non ha importanza! Così volle Iddio!
Come mi chiamo? Michele Migliaccio
fu Gelsomino e fu Carmela Pio.
Cinque campagne. Sono nato a Meta.
Decorato alla presa di Gaeta.
II
Ora... povero dell'Ospizio. Allora
avevo a Meta una masseriella
Barattavo, a capo e a fine d'anno,
il grano, il maiale e la vitella.
Vivevamo una vita senza affanno,
ma, persi babbo e mamma vecchierella,
e mi sentii talmente abbandonato
che decisi di andarmene soldato...
III
Allora sì che c'era l'abbondanza
col re Borbone... Come dite?... No?...
E vi sbagliate eccome! Ogni pancia
non era vuota come oggigiorno!
Il peso andava giusto, alla bilancia!
Parola mia!... Credetemi signore,
se non ci fosse stato il tradimento
non rimarrei qua dentro da pezzente.
IV
Che cosa dite? A settantotto anni,
presso la fossa che vuol dire Morte,
giocarmi l'anima! Per questi panni,
indosso, provo vergogna forte!
L'unica vera causa degl'inganni,
di tante sofferenze e tanti torti,
fu la condotta di "istituzionali"
chiamandoci fratelli! I liberali!
V
Vedete? Voi ridete un'altra volta!
E tutti quanti ridono qua dentro!...
Se la fortuna girerà la ruota,
chissà quanti faranno brutto viso?
Soltanto Dio nel cielo ha preso nota,
di quello ch'è accaduto! E n'è persuaso!
Il braccio che ho perduto, questo qua,
non ha cercato mai, la carità.
VI
Il braccio me lo tolse una granata
e l'ho perduto proprio al fronte io!
Re Francesco, a Gaeta, l'ha guardata
la morte in faccia, giuro avanti a Dio!
Sappiamo che cos'è una cannonata!
Ma dopo? Questo è tuo? Allora è mio!
A questa Patria bella sangue e lotta,
ed Essa stenta a darci una pagnotta!
VII
Ah, non ridete più?... Storia vivente
io mi ricordo tutta la funzione!
Maria Sofia, il Re, strilli, lamenti,
la fame, il tifo, bombe a profusione,
forza e coraggio di quei reggimenti,
il lampo sulla bocca del cannone,
case crollate, templi dirupati,
e Re Francesco con i suoi soldati!
VIII
Che s'era scatenato? Era l'inferno?
"Maestà, qui stai sicuro!..." - "Non importa!"
Lui, la Regina, i Principi, un sol perno!
Il pericolo sempre sulla porta!
Non morivi stasera? Ed era un terno!
Senza rancio? E che fa? Fuma e sopporta!
Per buon esempio, manco il Re, ha mangiato!...
Tu sei napoletano e sei soldato!
IX
Cos'è questo fracasso, mentre vegli
occhi sbarrati dietro la lustriera?
Urla, squilli di tromba, che scompigli...
Sarà saltata un'altra polveriera!...
Corrono, leste, cinque o sei squadriglie:
"Tradimento, Maestà!...". Proprio quell'era!
Un altro schianto?... Il crollo d'un castello!...
Feriti, morti, fiamme... Che macello!
X
Questa è Gaeta! Tutti quanti, tutti,
napoletani e svizzeri, per il Re!
E tra di noi quattro farabutti
tradivano la Patria! E spetta a me
trarre dai fatti simili costrutti,
perché Gaeta, signor mio, quest'è!
Resistenza dal cuore dei soldati,
tradimento da quelli avvantaggiati!
XI
Nel mese di Dicembre del Sessanta...
Faceva freddo peggio che in Siberia!
Io m'ero avvoltolato in un gran manto,
le tre di notte, (porca la miseria!),
quando vedo passarmi lì davanti
un'ombra che s'avanza seria seria...
"Chi va là?..." - "Bravo! Veglio come te!"
Io fui scosso da un fremito! Era il Re.
XII
Era il Re nostro! Re Francesco nostro,
che mai s'è allontanato dalle mura!
La pelle una corazza e cuore tosto,
e non sapeva che vuol dir paura!
Ascoltate, signore, il servo vostro!
Non ci voleva, quella jettatura!
Lo chiamavano scemo e Lasagnone,
ma nascondeva il cuore di un leone!
XIII
E la Regina?... Ma quant'era bella!
E che cuore che aveva! E che maniere!
Ora un encomio ad una sentinella,
ora una mano stretta all'artigliere...
Stava sempre con noi!... Montava in sella
correndo e incoraggiando, giorni e sere,
or qua or là... Ve lo giuro sui santi!
S'erano innamorati tutti quanti!
XIV
Col cappellino alla cacciatora,
quale Regina! Quella era una Fata!
Ci portava fortuna la Signora,
specie col rombo della cannonata!...
Era capace di restare un'ora,
distribuendo della cioccolata...
Eri ferito? Puliva la faccia...
Morivi? Ti teneva fra le braccia...
XV
I colpi le fischiavano dinnanzi,
ma forse... a lei parevano confetti!
Aveva sia coraggio che baldanza,
tali da far saltare il cuore in petto!
Consegnava i feriti all'ambulanza
era sempre presente a capoletto...
Ognuno, invocandola o morendo,
l'ammirava con occhi tremebondi...
XVI
Morir per Lei! Speravan tutti quanti!
Un bacio in fronte dalla Reginella,
voleva dir: "Mettiamoci davanti
affinché quella morte fosse bella!"
Per uno sguardo, poi, della Regnante,
accettavi nel petto un bell'occhiello!...
Proprio così, signore mio!... Vedete?...
Ve lo racconto e piango... e voi ridete...!
XVII
No!... Non m'innervosisco!... Ho buona tempra!...
Troppo giovane siete...! Non importa!...
D'allora ad oggi!... è tutto sottosopra!...
V'hanno indicato una strada contorta!...
I Piemontesi? Quelli erano capre!...
E pur dormendo li aiutò la sorte!
E Garibaldi che avanzava il fronte
cos'è? non fu ferito in Aspromonte?
XVIII
E' vero, sono un misero pezzente!
Sono un povero vecchio rimbambito...
Mi dicono che non capisco niente!
Mi chiamano borbonico e patito...!
Ma quelli v'hanno fatto il tradimento
quando v'hanno inventato il Plebiscito!...
E pure quella è stata una pastetta,
la Libertà vestita da sciacquetta!
XIX
Perciò, torniamo a noi, ch'è meglio assai!
Ne sentirete! Sono rose e fiori!
La vera storia non s'è scritta mai,
scambiando spesso gli assi e le figure!
Vorrei narrarli, tutti questi guai!
L'annienterei, questi canzonatori!
Cos'è?... il riso stimola il singhiozzo?...
Sul serio Verità finì nel pozzo!
XX
Solo loro, hanno fatto le bravate!
Soltanto i liberali!... E basta qua!
Procedendo, vi hanno aperto strade!...
Audaci ma con generosità!...
Ed i Reali, fra le cannonate,
nessuno mai l'ha visti risicare?
Nessuno ha udito, insieme a Francischiello,
quella Marcia Reale di Paisiello?!...
XXI
Era trascorso un mese resistendo,
il primo giuda tese il suo tranello!
Io, per la rabbia, ancora sto piangendo!
Passò, armi e bagagli, il colonnello!
Cialdini, lusingando e promettendo,
s'era messo d'accordo con Pianello!
E quest'amico, questo galantuomo,
si consegnò con tutto il battaglione!
XXII
Allora, dico io, questo va bene?
Quando si da parola e fedeltà,
avendo un po' di sangue, nelle vene,
per la Patria ed il Re si fa scannare!
Ma no! Lui si sottrasse dalle pene!
Ebbe dei soldi per poter scialare,
e cambiò giacca! Da che mondo è mondo,
chi nasce quadro non può morir tondo!
XXIII
Vi giuro, signor mio, questa è la storia!
per quanto è certo questo giorno! E' questa!
Ce l'ho rinchiusa nella mia memoria,
in quel pensiero fisso che mi resta!
Quello che prima era caffè, è cicoria!
e se n'è fatta pessima minestra!
V'hanno ingannato! Il detto pare buono:
Vesti Ciccone per sembrar barone!
XXIV
Nascosta è quella Verità sincera
come una mascherina ferrarese!
La Storia, invece, proprio quella vera,
la sanno tutti i sassi del paese!
Ve l'hanno scritta in un'altra maniera,
e Re Francesco ne pagò le spese!
Infamie, infamie, infamie, signor mio!
Infamie enormi, nonostante Dio!
XXV
Tre mesi e mezzo, triboli da cani,
il tredici febbraio del Sessantuno
capitolammo in mezzo ai battimani
di liberali falsi e mascalzoni!**
Bravi fratelli! Che bravi cristiani!
Belle pagnotte! E quanti carognoni!
Che vittoria! Che coscienza! Che arte!
Quanti Napoleone Bonaparte!
XXVI
Tutti, col petto in fuori, alti e saziati,
salva la Patria, Libertà diletta.
I camorristi furono lodati,
i tagliaborse ebbero i confetti...
E noi, maltrattati e sospettati,
l'onore in fronte e le ferite in petto,
noi sopportammo, tra dolori e schianti,
le peggiori angherie di tutti quanti!
XXVII
Re Francesco crollò! Abbandonò
il Regno e cominciò a viaggiare!
Chi fu beneficato lo ingiuriò,
mentre gli occhi emanavano bontà!
Egli era un padre! E non s'è visto, no!
miglior esempio, di cuore e carità!
Per questo spirò all'estero! E con esso
è morto un altro Cristo crocifisso!
XXVIII
Un altro Cristo, sì! Spugna di fiele,
baci finti, le spine, e tutto il resto!
Credeva poi che Tizio era fedele?
E quello lo imbrogliava lesto lesto...
Volevano Vittorioemanuele
perciò gl'infami si sbrigaron presto...
Quando nessuno poi lo soccorreva,
Lui, da solo, a Gaeta, resisteva!
XXIX
Resisti oggi, resisti domani,
e resisti e resisti, finalmente,
che si può fare? Pance di cristiani
non sanno sopportar sventure e stenti!
Per non farci trattar peggio dei cani,
per non farci morire tra i tormenti,
egli ci disse: "Adesso basta! E' tutto!
Vi sono Re, ma padre innanzitutto!"
XXX
Ora ditemi voi: quanti regnanti
pensano con tal cuore e tale amore?
Nominateli, prego, tutti quanti,
e poi vediamo chi ha mostrato cuore!
Macché! Regnante vuole dir birbante,
quando, vedendo che il paese muore,
lo fa morire, una volta e buona,
perché così non perde la corona!...
XXXI
L'ha fatto questo, Re Francesco?... No!
Infatti disse: "Vi voglio salvare!".
I generali intorno radunò
e spiegò loro che c'era da fare!
"Tiro i soldati fuori dall'inferno!
Le trattative voglio incominciare!...
Richiedete la tregua, immantinente!
Credete a me, è l'unico espediente!"
XXXII
Ma come? Ad iniziate trattative,
che fai Cialdini, non sospendi il fuoco?
Tu ci volevi seppellire vivi,
perciò ti divertivi con quel gioco?!
Le granate, (per sfregio, per corrivo,
per infamia? Che ne so!?) mai un poco
smisero di colpir la piazzaforte,
dentro Gaeta seminando morte!
XXXIII
Ma che vi ha fatto Dio che gli lanciate,
sì tante bombe sulla casa sua?!
Ospedali, gremiti di feriti,
hanno causato tutta questa furia?
Ci avete assassinati e massacrati
dappertutto, con l'animo d'un boia.
e non vi basta? Cerchereste il resto
quando s'è detto il consummatum est?!
XXXIV
Volete ancora fare stragi? Ancora?!
E non vi è subentrato alcuno scorno?
Sempre granate e bombe dentro e fuori
da mezzanotte a quando si fa giorno?
Bestiacce feroci della Malora!
Su noi le cannonate tutt'intorno,
con grande smania di vigliaccheria,
che sapesse Cavour la guapperia!
XXXV
Che altro posso dire?... Che mi taccio?
L'ultimo giorno ce l'ho scritto in cuore,
perché fu allora che ci persi il braccio!
Ma cento braccia guadagnai d'onore!
Ci passarono tutti per lo staccio!
Venne la Libertà, caro signore!
Che scacciò, detto fatto, il temporale,
e... sorse il Sole costituzionale!
XXXVI
Sorbitevelo tutto con salute!
O lo gradite indorato e fritto?
Votaste sì? Che cosa avete avuto?
Ve lo negate? Devo stare zitto?
Le tasse chi le aveva conosciute?
Ma fatelo per Cristo benedetto!
Non mi spingete a bestemmiar più forte
il sangue della vostra gente morta!
XXXVII
Scusatemi... scusatemi... Vedete?
Succede quando il sangue sale al capo!
Sono ignorante... voi perciò ridete...
Ma lì la colpa l'ebbe pure il Papa!
Sì, vicario di Cristo, o non lo siete?
Il grande generale Mezzacapo?
Nemmeno ne sa niente? E d'Agostino?
Ma quante serpi il Re scaldava in seno!
XXXVIII
Un Nazzareno e cento Iscarioti!
Un cuore d'uomo e cento cuor di cani!
E l'avvisammo centomila volte,
il Conte di Caserta e quel di Trani!
Niente! Lui non ne volle prender note!
Ma finalmente, poi, toccò con mani,
la Verità, ridotta ad uno straccio,
quando a Gaeta volsero la faccia!
XXXIX
L'articolo quattordici, diceva,
dentro la Convenzione, che il soldato,
(ognun di noi!) a casa ritornava,
con tanto al giorno, storpi o mutilati...
Chi prometteva si comprometteva!
Ma tutti quanti fummo abbandonati!
Nessuno ottenne un mestolo di pasta!!
Prometteva Cialdini! E tanto basta!
XL
Questo Cialdini possedeva un cuore
che non valeva manco tre cavalli!***
Faceva solo il bombardatore
sopra Gaeta, con granate e palle!
E fu svelato, (mi ricordo ancora!)
l'animo suo, col fatto dei cavalli!
Fatto avvenuto, capitato invero!
Fatto che, se si narra, non si crede!
XLI
Dentro Gaeta c'era tanta fame,
e terminò il foraggio agli animali!
Il figlio agonizzava con la mamma;
mancava l'olio, il vino, il pane, il sale...
Così c'è la plebaglia che reclama,
sobillata da qualche liberale,
e pochi giorni dopo Capodanno
il popolo si stava ribellando!
XLII
I cavalli, digiuni ed affamati,
correvano da pazzi, che battaglia!
Dapprincipio avevano mangiato
sacchi di foglie, poi sedie di paglia...
Noi trovammo dei carri rosicchiati,
alberi, porte, muri... Ed a pariglie
si sbranavano peggio dei leoni
quando non addentavano i garzoni.
XLIII
Correvano i cavalli, come il vento!
Non c'era tempo per chiamare aiuto!
Passando, t'azzannavano!... E che denti!
Era profondo il morso ricevuto!
Adesso immaginate che spaventi,
ad ogni istante, ogni ora ogni minuto...
Appena il tempo di farsi distante...
"Via!... I cavalli!" Mandria galoppante.
XLIV
Bene... quando dicemmo a Cialdini
Prendeteveli, dategli foraggio,
vi regaliamo dei cavalli fini,
inutili per noi, per voi vantaggio;
sapete che rispose quel Cialdini?
Disse: Tenerli non sarebbe saggio!...
Teneteli con voi! Sono indigenti?
Sbranatevi tra voi, scambievolmente!...
XLV
Sia benedetto Gesù Cristo in croce!
Ha castigato noi, chissà perché!
Erano pietre, e ruppero la noce,
per far l'Italia ed umiliare un Re!
E come no! Lo zuccherino è dolce,
e tu che vuoi? che lo consegni a te?
Arrivò il tempo, ebbero fortuna,
lo zuccherino fu l'Italia Una.
XLVI
E dei compagmi miei, caro signore,
morti alcuni di fame, altri ascoltate,
uno è cocchiere, uno è scopatore,
uno vende puntette e scurriate!*****
Io poi qui sono un imperatore,
caro signore mio! Voi ci scherzate?
Essi stessi mi dicono!... "Ti lagni?
Ringrazia Dio, che dormi, bevi e mangi!..."
XLVII
Sissignore! Mangiamo e poi beviamo
finché c'è lo stoppino alla lanterna!
Lasciamo fare, che non le vediamo,
le nostre facce! Nella vita eterna!
Sai quante belle smorfie gli facciamo?
Allora vincerò una quaterna!
Io vorrò dirgli solo due parole!
Li chiamerò carogne e marioli!
XLVIII
Dedico giorni a ricordarmi i fatti
successi in quattro mesi maledetti,
vedo le bombe sulle casematte
e sento il pianto di persone afflitte!...
Quanti di loro sono soddisfatti?
E' meglio sorvolare! Stiamo zitti!
E se mi gira un poco il mio cervello,
bacio la medaglia di Francischiello!
XLIX
La serbo come una reliquia santa,
perché l'ho meritata per davvero!
La porto qui sul cuore dal Sessanta!
Son cinquantasei anni! E sembra ieri!
Per lei darei la vita tutta quanta!
Sotto al cuscino sta tutte le sere,
e quando morirò, nella mia fossa
dovrà restare! Assieme a queste ossa!
L
Ce l'ho sotto la giubba... Che mi dite?
Perché me la nascondo?... Lo dirò!...
Non mi sono spiegato?... Non capite?...
Siete giovane e colto, giusto o no?
Io l'ho ottenuta per le mie ferite,
pel braccio mozzo!... E' una reliquia o no?
Potrei portarla, questa gloria mia,
sulla livrea della Pezzenteria?
 
✕
Ferdinando Russo: Top 3
1.'A madonna d''e mannarine
2.Idillio 'e mmèrda
3.'A muglièra
Idioms from "'O surdato 'e Gaeta"
1.da che mondo è mondo
2.Detto fatto
3.per carità
Gegeven reacties
↑↓