tekst Psalm 50

  • Artysta: King David (דוד, דוד המלך , David son of Jesse, David ben Yishai, )
hebrajski
hebrajski
A A

Psalm 50

‏1 מזמור לאסף אל אלהים יהוה דבר ויקרא ארץ ממזרח שמש עד מבאו
 
‏2 מציון מכלל יפי אלהים הופיע
 
‏3 יבא אלהינו ואל יחרש אש לפניו תאכל וסביביו נשערה מאד
 
‏4 יקרא אל השמים מעל ואל הארץ לדין עמו
 
‏5 אספו לי חסידי כרתי בריתי עלי זבח
 
‏6 ויגידו שמים צדקו כי אלהים שפט הוא סלה
 
‏7 שמעה עמי ואדברה ישראל ואעידה בך אלהים אלהיך אנכי
 
‏8 לא על זבחיך אוכיחך ועולתיך לנגדי תמיד
 
‏9 לא אקח מביתך פר ממכלאתיך עתודים
 
‏10 כי לי כל חיתו יער בהמות בהררי אלף
 
‏11 ידעתי כל עוף הרים וזיז שדי עמדי
 
‏12 אם ארעב לא אמר לך כי לי תבל ומלאה
 
‏13 האוכל בשר אבירים ודם עתודים אשתה
 
‏14 זבח לאלהים תודה ושלם לעליון נדריך
 
‏15 וקראני ביום צרה אחלצך ותכבדני
 
‏16 ולרשע אמר אלהים מה לך לספר חקי ותשא בריתי עלי פיך
 
‏17 ואתה שנאת מוסר ותשלך דברי אחריך
 
‏18 אם ראית גנב ותרץ עמו ועם מנאפים חלקך
 
‏19 פיך שלחת ברעה ולשונך תצמיד מרמה
 
‏20 תשב באחיך תדבר בבן אמך תתן דפי
 
‏21 אלה עשית והחרשתי דמית היות אהיה כמוך אוכיחך ואערכה לעיניך
 
‏22 בינו נא זאת שכחי אלוה פן אטרף ואין מציל
 
‏23 זבח תודה יכבדנני ושם דרך אראנו בישע אלהים
 
Dzięki!
podziękowano 1 raz
Udostępniono przez SaintMarkSaintMark dnia czw., 08/10/2020 - 07:40
Ostatnio edytowano przez SaintMarkSaintMark dnia pon., 26/10/2020 - 17:46

 

Moje komentarze
Radu RobertRadu Robert    niedz., 05/12/2021 - 19:43

Also by Seraphim Bit-Kharibi,
Harpa Dei

Read about music throughout history